mujhe kahna hai

Bashar Nawaz

mujhe kahna hai

Bashar Nawaz

MORE BYBashar Nawaz

    nahīñ maiñ yuuñ nahīñ kahtā

    ki ye duniyā jahannam aur ham sab is īñdhan haiñ

    nahīñ yuuñ bhī nahīñ kahtā

    ki ham jannat ke baasī haiñ

    saroñ par lā-javrdī shāmiyāne aur pairoñ meñ

    nirāle zā.eqoñ vaale phaloñ ke peḌ shiir o shahad nahreñ machaltī haiñ

    mujhe to bas yahī kuchh aam kuchh chhoTī chhoTī bāteñ kahnī haiñ

    mujhe kahnā hai

    is dhartī pe gulshan bhī haiñ sahrā bhī

    mahaktī narm miTTī bhī

    aur us kokh meñ ḳhvāboñ jaadū aane vaalī nit na.ī fasloñ ḳhushbū bhī

    chaTaḳhtī aur taptī saḳht be-his ḳhuun pyāsī chaTāneñ bhī

    mujhe kahnā hai

    ham sab apnī dhartī

    burā.ī aur bhalā.ī saḳhtiyoñ aur narmiyoñ achchhā.iyoñ kotāhiyoñ har rañg

    har pahlū ke maz.har haiñ

    hameñ insān mānind

    ḳhair o shar mohabbat aur nafrat dushmanī aur dostī ke saath jiinā hai

    isī dhartī shahad o sam

    isī dhartī ke khaT-miTh jaane pahchāne maze jaam piinā hai

    mujhe bas itnā kahnā hai

    ki ham ko āsmānoñ ḳhalāoñ koī maḳhlūq mat samjho

    nahin main yun nahin kahta

    ki ye duniya jahannam aur hum sab is ka indhan hain

    nahin yun bhi nahin kahta

    ki hum jannat ke basi hain

    saron par la-jawrdi shamiyane aur pairon mein

    nirale zaeqon wale phalon ke peD shir o shahad ki nahren machalti hain

    mujhe to bas yahi kuchh aam si kuchh chhoTi chhoTi baaten kahni hain

    mujhe kahna hai

    is dharti pe gulshan bhi hain sahra bhi

    mahakti narm miTTi bhi

    aur us ki kokh mein KHwabon ka jadu aane wali nit nai faslon ki KHushbu bhi

    chaTaKHti aur tapti saKHt be-his KHun ki pyasi chaTanen bhi

    mujhe kahna hai

    hum sab apni dharti ki

    burai aur bhalai saKHtiyon aur narmiyon achchhaiyon kotahiyon har rang

    har pahlu ke mazhar hain

    hamein insan ki manind

    KHair o shar mohabbat aur nafrat dushmani aur dosti ke sath jina hai

    isi dharti ka shahad o sam

    isi dharti ke khaT-miTh jaane pahchane maze ka jam pina hai

    mujhe bas itna kahna hai

    ki hum ko aasmanon ya KHalaon ki koi maKHluq mat samjho

    RECITATIONS

    Nomaan Shauque

    Nomaan Shauque

    Nomaan Shauque

    mujhe kahna hai Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY