mujhe KHabar hai mujhe yaqin hai

Ambar Bahraichi

mujhe KHabar hai mujhe yaqin hai

Ambar Bahraichi

MORE BYAmbar Bahraichi

    mujhe ḳhabar hai

    ye ābnūsī chaTTān jo duub ke sabz taḳhte pe aa girī hai

    na.ī subuk narm pattiyoñ siñghār kar

    sunahre lamhoñ saañs meñ phāñs ban kar aTak ga.ī hai

    mujhe yaqīñ hai

    ki mausamoñ ke tilism ye tīrgī uḌā kar

    isī sulagtī chaTTān par duub sabz zulfeñ bikher deñge

    mujhe yaqīñ hai

    mire kaTe bāzuoñ tāqat mirī ragoñ se nahīñ ga.ī hai

    mire lahū ke ye surḳh dhāre na.ī hikāyat ke pesh-rau haiñ

    na.ī umañgoñ na.e ujāloñ na.e shafaq-zār ke amiiñ haiñ

    mujhe ḳhabar hai

    ki ġhol chiḌiyoñ ke lashkar-e-abrha ab kuchh ḳhabar na leñge

    hamārī āñkhoñ meñ raushnī hai magar diloñ meñ siyāhiyāñ haiñ

    udāsiyoñ ke ghane dhuveñ meñ chhupī huī kāmrāniyāñ haiñ

    mujhe yaqīñ hai

    ki is fazā meñ farāz-e-sahrā-e-be-amāñ haiñ

    hazāroñ ma.asūm eḌiyāñ ragaḌ chuke haiñ ragaḌ rahe haiñ

    ubal paḌegā zarūr koī hayāt-afroz āb-e-shīrīñ

    sadāqatoñ ke bahār-zāroñ ko āḳhirash tāzgī milegī

    mujhe ḳhabar hai mujhe yaqīñ hai

    mujhe KHabar hai

    ye aabnusi chaTTan jo dub ke sabz taKHte pe aa giri hai

    nai subuk narm pattiyon ka singhaar pi kar

    sunahre lamhon ki sans mein phans ban kar aTak gai hai

    mujhe yaqin hai

    ki mausamon ke tilism ye tirgi uDa kar

    isi sulagti chaTTan par dub ki sabz zulfen bikher denge

    mujhe yaqin hai

    mere kaTe bazuon ki taqat meri ragon se nahin gai hai

    mere lahu ke ye surKH dhaare nai hikayat ke pesh-rau hain

    nai umangon nae ujalon nae shafaq-zar ke amin hain

    mujhe KHabar hai

    ki ghol chiDiyon ke lashkar-e-abrha ki ab kuchh KHabar na lenge

    hamari aankhon mein raushni hai magar dilon mein siyahiyan hain

    udasiyon ke ghane dhuwen mein chhupi hui kaamraniyan hain

    mujhe yaqin hai

    ki is faza mein faraaz-e-sahra-e-be-aman hain

    hazaron masum eDiyan ragaD chuke hain ragaD rahe hain

    ubal paDega zarur koi hayat-afroz aab-e-shirin

    sadaqaton ke bahaar-zaron ko aaKHirash tazgi milegi

    mujhe KHabar hai mujhe yaqin hai

    Source :
    • Book : doob (Pg. 95)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY