mukalima nazr-e-ismat

tum aisī sub.hoñ tum aisī shāmoñ meñ

apne ghar se kabhī na niklo

ki jab havā.eñ supurdagī se nihāl ho kar

tumhāre pahlū meñ Doltī hoñ

tumhāre āñchal se kheltī hoñ

tum aisī sub.hoñ tum aisī shāmoñ meñ

apne ghar se kabhī na niklo

ki havā.eñ udaas lahje meñ tum se pūchheñ

tumhāre āñkhoñ ko kyā huā hai

tumhāre chehre pe kyā likhā hai

tumhāre uThte hue qadam par

ye laḌkhaḌāhaT sī kis liye hai

tum aisī sub.hoñ tum aisī shāmoñ meñ

apne ghar se kabhī na niklo

ki jab havā.eñ

badalte mausam kī sāzisheñ meñ sharīk ho kar

tumhāre jī meñ ġhalat-bayānī kā zahr gholeñ

suno ai pyārī sī sāñvlī sī sajīlī laḌkī

yahī havā.eñ to āte-jāte

musāfirān-e-rah-e-vafā par

ġhubār-e-tohmat uchhāltī hai

mohabbatoñ par yaqīñ na ho to

diloñ meñ paiham

hazār vahmoñ ko Dāltī hai

tum aisī sub.hoñ tum aisī shāmoñ meñ

apne ghar se kabhī na niklo kabhī na niklo kabhī na niklo

tum aisi subhon tum aisi shamon mein

apne ghar se kabhi na niklo

ki jab hawaen supurdagi se nihaal ho kar

tumhaare pahlu mein Dolti hon

tumhaare aanchal se khelti hon

tum aisi subhon tum aisi shamon mein

apne ghar se kabhi na niklo

ki hawaen udas lahje mein tum se puchhen

tumhaare aankhon ko kya hua hai

tumhaare chehre pe kya likha hai

tumhaare uThte hue qadam par

ye laDkhaDahaT si kis liye hai

tum aisi subhon tum aisi shamon mein

apne ghar se kabhi na niklo

ki jab hawaen

badalte mausam ki sazishen mein sharik ho kar

tumhaare ji mein ghalat-bayani ka zahr gholen

suno ai pyari si sanwli si sajili laDki

yahi hawaen to aate-jate

musafiran-e-rah-e-wafa par

ghubar-e-tohmat uchhaalti hai

mohabbaton par yaqin na ho to

dilon mein paiham

hazar wahmon ko Dalti hai

tum aisi subhon tum aisi shamon mein

apne ghar se kabhi na niklo kabhi na niklo kabhi na niklo