munne ki naw

daadī ke paas aa ke munne lagā ye kahne

dekho to pyārī daadī kyā hai banāyā maiñ ne

kāġhaz vo reshmīñ jo tum ne diyā thā daadī

ye dekho maiñ is kī ik naav hai banā dī

lekin batāo mujh ko kaise ise chalā.ūñ

tālāb yā nadī yā naala kahāñ se lā.ūñ

hañs kar ye bolīñ daadī Thahro zarā sā beTā

laao kitchen se jā kar tasla jo hai baḌā sā

tasle meñ bhar ke paanī munne se bolīñ daadī

lo dekh lo ghar meñ maiñ ne nadī banā dī

chhoTī sī is nadī meñ naav jo chal rahī thī

munne bhī hañs rahā thā munnī bhī hañs rahī thī

daadī bhī thiiñ bahut ḳhush bachchoñ kī is ḳhushī se

detī thiiñ vo duā.eñ bachchoñ ko jān-o-jī se

dadi ke pas aa ke munne laga ye kahne

dekho to pyari dadi kya hai banaya main ne

kaghaz wo reshmin jo tum ne diya tha dadi

ye dekho main is ki ek naw hai bana di

lekin batao mujh ko kaise ise chalaun

talab ya nadi ya nala kahan se laun

hans kar ye bolin dadi Thahro zara sa beTa

lao kitchen se ja kar tasla jo hai baDa sa

tasle mein bhar ke pani munne se bolin dadi

lo dekh lo ghar mein main ne nadi bana di

chhoTi si is nadi mein naw jo chal rahi thi

munne bhi hans raha tha munni bhi hans rahi thi

dadi bhi thin bahut KHush bachchon ki is KHushi se

deti thin wo duaen bachchon ko jaan-o-ji se