muntazir

jab kabhī maiñ udaas hotī huuñ

ik hujūm āñsuoñ kā palkoñ par

muntazir izn ko taḌpātā hai

kyā karūñ maiñ samajh nahīñ aatā

kis tarah se tumhārī yādoñ ko

sūrat-e-ashk meñ bahā Dālūñ

kyā kahūñ ik ghuTan kā aalam hai

maiñ huuñ tanhā.ī aur tirī yādeñ

har ghaḌī dil ko aarzū hai yahī

jo abhī tak nahīñ huā jānāñ

kaash aisā kabhī to ho jaa.e

yaad aa.e na terī us se qabl

tū mire sāmne chalā aa.e

jab kabhi main udas hoti hun

ek hujum aansuon ka palkon par

muntazir izn ko taDpata hai

kya karun main samajh nahin aata

kis tarah se tumhaari yaadon ko

surat-e-ashk mein baha Dalun

kya kahun ek ghuTan ka aalam hai

main hun tanhai aur teri yaaden

har ghaDi dil ko aarzu hai yahi

jo abhi tak nahin hua jaanan

kash aisa kabhi to ho jae

yaad aae na teri us se qabl

tu mere samne chala aae