murajat-e-ishq

eshiyā.ī mohabbat meñ taaza shumāra nikaltā nahīñ

des vāloñ ne aisī muravvat sikhā.ī ki tartīb se jal rahe haiñ charāġh

aur chaqmāq se raushnī kā nayā ik sharāra nikaltā nahīñ

is aziyyat-bharī zindagī meñ ubūrī zamānat kī koī suhūlat nahīñ

ābshāroñ ke jharne saroñ ko jhukā.e hue gir rahe haiñ

zamīñ apnī gardish ke tābūt meñ qaid hai

aur tābūt meñ hai merī zindagī

jān-e-jānāñ suno

bhaag kar aa gayā huuñ sar-e-shām dariyā kināre gumāñ meñ hai terā dvāra

zamāne meñ aise to mumkin nahīñ hai ki mandir meñ sar ko jhukā.e rahe har pujārī

ki girjoñ kī chhatoñ pe laTkī rahīñ be-sadā ghanTiyāñ

peT bharne ke jitne tarīqe sahī chhoḌ saktā huuñ maiñ

tāqchoñ kī darāḌoñ se aatī huī raushnī chhoḌ saktā nahīñ

jān-e-jānāñ suno

ye haḌappa kā paanī darāviḌ ke bahte hue pāniyoñ se milā chāhtā hai

eshiyai mohabbat mein taza shumara nikalta nahin

des walon ne aisi murawwat sikhai ki tartib se jal rahe hain charagh

aur chaqmaq se raushni ka naya ek sharara nikalta nahin

is aziyyat-bhari zindagi mein uburi zamanat ki koi suhulat nahin

aabshaaron ke jharne saron ko jhukae hue gir rahe hain

zamin apni gardish ke tabut mein qaid hai

aur tabut mein hai meri zindagi

jaan-e-jaanan suno

bhag kar aa gaya hun sar-e-sham dariya kinare guman mein hai tera dwara

zamane mein aise to mumkin nahin hai ki mandir mein sar ko jhukae rahe har pujari

ki girjon ki chhaton pe laTki rahin be-sada ghanTiyan

peT bharne ke jitne tariqe sahi chhoD sakta hun main

taqchon ki daraDon se aati hui raushni chhoD sakta nahin

jaan-e-jaanan suno

ye haDappa ka pani darawiD ke bahte hue paniyon se mila chahta hai