aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mushkil

Bilal Ahmad

mushkil

Bilal Ahmad

MORE BYBilal Ahmad

    ḳhudā ko yaad kartā huuñ to maañ yaad aatī hai

    abhī azaloñ se gardāñ chaak miTTī nam ā.ankhoñ meñ raushan thā ki maiñ ne maañ ko dekhā thā

    mujhe muskān pahlā sahīfa yaad hai ab tak

    ki dil jis tilāvat se sakūñ ke ghūñT bhartā thā

    ki jis lau, agarche vo na sharqī thī na ġharbī thī

    magar do nain ke billor meñ kuchh yuuñ bhaḌaktī thī

    ki mere sharq o ġharb ik nuur ke haale meñ aiman the

    (ḳhudā gar nuur hai to maañ ā.ankhoñ ke sivā kin tāqchoñ ko zeb detā hai)

    ḳhudā gar radd na kar detā to maiñ ā.ankhoñ se zau kartī isī lau qasam khātā

    mohabbat ke muqaddas roġhan-e-zaitūñ se jo ḳhud meñ bhaḌaktī thī

    mujhe bhūlā nahīñ ab tak

    vo pahlā lams jis se merī qismat lakīroñ meñ abhī tak tābnākī hai

    mohabbat vo jibrā.īl mujh se baat kartā thā to maiñ sarshār hotā thā

    maiñ Dartā huuñ ḳhudā ke rizq kufrān karne se

    magar vo chāshnī jo rizq meñ us lams shirkat se thī ab ḳhvāb lagtī hai

    so maañ ke ba.ad ik gambhīr mushkil meñ paḌā huuñ maiñ

    kuchh aisā hai ki mujh ko rabt kuchh baaqī nahīñ ab nūriyān-e-lams-o-ḳhanda hikāyat se

    so maiñ ab lams o ḳhanda ke sahīfoñ ke binā aajiz huuñ rab ko bhī samajhne se

    kuchh aisā hai

    ki jaise maiñ kisī bhūlī huī ummat ke ik matrūk mābad meñ abas fariyād kartā huuñ

    ḳhudā ko yaad kartā huuñ

    KHuda ko yaad karta hun to man ki yaad aati hai

    abhi azalon se gardan chaak ki miTTi ka nam aaankhon mein raushan tha ki main ne man ko dekha tha

    mujhe muskan ka pahla sahifa yaad hai ab tak

    ki dil jis ki tilawat se sakun ke ghunT bharta tha

    ki jis ki lau, agarche wo na sharqi thi na gharbi thi

    magar do nain ke billor mein kuchh yun bhaDakti thi

    ki mere sharq o gharb ek nur ke haale mein aiman the

    (KHuda gar nur hai to man ki aaankhon ke siwa kin taqchon ko zeb deta hai)

    KHuda gar radd na kar deta to main aaankhon se zau karti isi lau ki qasam khata

    mohabbat ke muqaddas roghan-e-zaitun se jo KHud mein bhaDakti thi

    mujhe bhula nahin ab tak

    wo pahla lams jis se meri qismat ki lakiron mein abhi tak tabnaki hai

    mohabbat ka wo jibrail mujh se baat karta tha to main sarshaar hota tha

    main Darta hun KHuda ke rizq ka kufran karne se

    magar wo chashni jo rizq mein us lams ki shirkat se thi ab KHwab lagti hai

    so man ke baad ek gambhir mushkil mein paDa hun main

    kuchh aisa hai ki mujh ko rabt kuchh baqi nahin ab nuriyan-e-lams-o-KHanda ki hikayat se

    so main ab lams o KHanda ke sahifon ke bina aajiz hun rab ko bhi samajhne se

    kuchh aisa hai

    ki jaise main kisi bhuli hui ummat ke ek matruk mabad mein abas fariyaad karta hun

    KHuda ko yaad karta hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now