aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

muslim muslim fasadat

Zehra Nigaah

muslim muslim fasadat

Zehra Nigaah

MORE BYZehra Nigaah

    sub.h-dam jo dekhā thā

    kyā harā-bharā ghar thā

    DāñTtī huī biivī

    bhāgte hue bachche

    rassiyoñ bāñhoñ meñ

    jhūlte hue kapḌe

    bolte hue bartan

    jāgte hue chūlhe

    ik taraf ko guḌiyā

    adh-banā gharauñdā thā

    duur ek kone meñ

    cycle pahiyā thā

    murġhiyoñ ke Darbe the

    kābukeñ thīñ, piñjrā thā

    tiis gaz ke āñgan meñ

    sab kuchh to rakkhā thā

    ek pal meñ ye manzar

    kyuuñ badal jaatā hai

    ik dhuāñ uThtā hai

    haañ magar dhundalke meñ

    kuchh dikhā.ī detā hai

    jā-namāz konā

    jhāḌiyoñ meñ uljhā hai

    saf.ha-e-kalām-e-pāk

    ḳhaak par laraztā hai

    saath aur ḳhabroñ ke

    ye ḳhabar bhī chhaptī hai

    log is ko paḌhte haiñ

    bāteñ hotī rahtī haiñ

    kaam chalte rahte haiñ

    embulance edhī

    bain kartī aatī hai

    sab jalī kaTī lāsheñ

    saath le ke jaatī hai

    sub.h tak sabhī lāsheñ

    dafn kar jaatī haiñ

    auratoñ bachchoñ

    būḌhoñ aur javānoñ

    masjidoñ se hotī haiñ

    bārisheñ azānoñ

    lā-ilāh il-lallāh

    lā-ilāha il-lallāh

    subh-dam jo dekha tha

    kya hara-bhara ghar tha

    DanTti hui biwi

    bhagte hue bachche

    rassiyon ki banhon mein

    jhulte hue kapDe

    bolte hue bartan

    jagte hue chulhe

    ek taraf ko guDiya ka

    adh-bana gharaunda tha

    dur ek kone mein

    cycle ka pahiya tha

    murghiyon ke Darbe the

    kabuken thin, pinjra tha

    tis gaz ke aangan mein

    sab hi kuchh to rakkha tha

    ek pal mein ye manzar

    kyun badal sa jata hai

    ek dhuan sa uThta hai

    han magar dhundalke mein

    kuchh dikhai deta hai

    ja-namaz ka kona

    jhaDiyon mein uljha hai

    safha-e-kalam-e-pak

    KHak par larazta hai

    sath aur KHabron ke

    ye KHabar bhi chhapti hai

    log is ko paDhte hain

    baaten hoti rahti hain

    kaam chalte rahte hain

    embulance edhi ki

    bain karti aati hai

    sab jali kaTi lashen

    sath le ke jati hai

    subh tak sabhi lashen

    dafn kar di jati hain

    auraton ki bachchon ki

    buDhon aur jawanon ki

    masjidon se hoti hain

    barishen azanon ki

    la-ilah il-lallah

    la-ilaha il-lallah

    RECITATIONS

    Zehra Nigaah

    Zehra Nigaah,

    Zehra Nigaah

    muslim muslim fasadat Zehra Nigaah

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now