na mera makan hi badal gaya na tera pata koi aur hai

Dilawar Figar

na mera makan hi badal gaya na tera pata koi aur hai

Dilawar Figar

MORE BY Dilawar Figar

    na mirā makāñ badal gayā na tirā pata koī aur hai

    mirī raah phir bhī hai muḳhtalif tirā rāsta koī aur hai

    pas-e-marg ḳhaak hue badan vo kafan meñ hoñ ki hoñ be-kafan

    na mirī lahad koī aur hai na tirī chitā koī aur hai

    vo jo mahr bahr-e-nikāh thā vo dulhan mujh se mizāh thā

    ye to ghar pahuñch ke pata chalā mirī ahliya koī aur hai

    mirī qātilā mirī laash se ye bayān lene ko aa.ī thī

    na de mulzima ko sazā police mirī qātilā koī aur hai

    jo sajā.ī jaatī hai raat ko vo hamārī bazm-e-ḳhayāl hai

    jo saḌak pe hotā hai raat din vo mushā.era koī aur hai

    kabhī 'mīr'-o-'dāġh' shā.irī bhī mo.āmla se hasīn thī

    magar ab jo sher meñ hotā hai vo mo.āmla koī aur hai

    tujhe kyā ḳhabar ki maiñ kis liye tujhe dekhtā huuñ kan-añkhiyoñ se

    ki barāh-e-rāst nazāre meñ mujhe dekhtā koī aur hai

    ye jo tītar aur chakor haiñ vahī pakḌeñ un ko jo chor haiñ

    maiñ chakor-akor kyā karūñ mirī fāḳhta koī aur hai

    mujhe maañ pyaar nahīñ milā magar is baap se kyā gila

    mirī vālida to ye kahtī hai tirī vālida koī aur hai

    na mera makan hi badal gaya na tera pata koi aur hai

    meri rah phir bhi hai muKHtalif tera rasta koi aur hai

    pas-e-marg KHak hue badan wo kafan mein hon ki hon be-kafan

    na meri lahad koi aur hai na teri chita koi aur hai

    wo jo mahr bahr-e-nikah tha wo dulhan ka mujh se mizah tha

    ye to ghar pahunch ke pata chala meri ahliya koi aur hai

    meri qatila meri lash se ye bayan lene ko aai thi

    na de mulzima ko saza police meri qatila koi aur hai

    jo sajai jati hai raat ko wo hamari bazm-e-KHayal hai

    jo saDak pe hota hai raat din wo mushaera koi aur hai

    kabhi 'mir'-o-'dagh' ki shairi bhi moamla se hasin thi

    magar ab jo sher mein hota hai wo moamla koi aur hai

    tujhe kya KHabar ki main kis liye tujhe dekhta hun kan-ankhiyon se

    ki barah-e-rast nazare mein mujhe dekhta koi aur hai

    ye jo titar aur chakor hain wahi pakDen un ko jo chor hain

    main chakor-akor ka kya karun meri faKHta koi aur hai

    mujhe man ka pyar nahin mila magar is ka bap se kya gila

    meri walida to ye kahti hai teri walida koi aur hai

    Source:

    • Book: Anwar Masood Se Khalid Masood Tak (Pg. 130)
    • Author: Hassan Abbasi
    • Publication: Nastaleeq Matbuaat (2004)
    • Edition: 2004
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites