na yun saj-sanwar ke raha karo

hai tumheñ junūn ki husn par koī kaam roz nayā karo

jaleñ mah-jabīñ koī iḳhtiyār tum aise nāz-o-adā karo

ho hasīn itnī ki dil sabhī ke churā jhalak meñ liyā karo

tirā husn fitne kā hai sabab na yuuñ saj-sañvar ke rahā karo

ye shabāb apne uruuj par ye sabāhatoñ kī karāmateñ

tire har libās kī shoḳhiyāñ tirī har jhalak kī qayāmateñ

kahīñ hashr jaa.e na ho bapā na yuuñ rāstoñ meñ phirā karo

tirī tarz chalne kī hai ġhazab na yuuñ saj-sañvar ke rahā karo

ye tire gale ke nuqūsh terī safed bāñhoñ pe jāliyāñ

tirī qat.a bāloñ kī sah tarah nigah surmagīñ tirī bāliyāñ

lago tum hī aks hayāt kā na yuuñ ḳhud ko jalva-numā karo

tirī tab.a sham.a se hai ajab na yuuñ saj-sañvar ke rahā karo

ki ġhurūr-e-husn meñ narmiyāñ ye tirā jamāl na rakh sake

na kahīñ ho aisā kisī ke dil kā bhī tū ḳhayāl na rakh sake

na churāo nīñdeñ shabāb kī na sukūn dil se judā karo

baḌe jān-levā haiñ tere Dhab na yuuñ saj-sañvar ke rahā karo

hai tumhein junun ki husn par koi kaam roz naya karo

jalen mah-jabin koi iKHtiyar tum aise naz-o-ada karo

ho hasin itni ki dil sabhi ke chura jhalak mein liya karo

tera husn fitne ka hai sabab na yun saj-sanwar ke raha karo

ye shabab apne uruj par ye sabahaton ki karamaten

tere har libas ki shoKHiyan teri har jhalak ki qayamaten

kahin hashr jae na ho bapa na yun raston mein phira karo

teri tarz chalne ki hai ghazab na yun saj-sanwar ke raha karo

ye tere gale ke nuqush teri safed banhon pe jaliyan

teri qata baalon ki sah tarah nigah surmagin teri baaliyan

lago tum hi aks hayat ka na yun KHud ko jalwa-numa karo

teri taba shama se hai ajab na yun saj-sanwar ke raha karo

ki ghurur-e-husn mein narmiyan ye tera jamal na rakh sake

na kahin ho aisa kisi ke dil ka bhi tu KHayal na rakh sake

na churao ninden shabab ki na sukun dil se juda karo

baDe jaan-lewa hain tere Dhab na yun saj-sanwar ke raha karo