na-malum hawaon ki lambi sargoshiyan

laḌkiyoñ se ziyāda ḳhūbsūrat mausamoñ meñ

ye dariyā

kahāñ le jaate haiñ

kyā pahāḌoñ meñ

chakoroñ kī bastiyoñ se udhar bhī

parinde uḌte haiñ

yā dhund ke dūsre kināre

añdhere ḳhālī ho jaate haiñ

koī pūchhe aisī mūslā-dhār havāoñ meñ

uḌte hue rāste

kahāñ le jaate haiñ

kyā āñsūoñ meñ

ḳhvāb dekhne ke dukhoñ se us paar

zamīn bahut sabz ho jaatī hai

aur āsmāñ shahroñ ke chehre bhuul jaatā hai

sach pūchho to āsmān kā pyaar

samundar ke pāniyoñ se ziyāda ḳhūbsūrat hai

aur terī chhātiyoñ kī ḳhvāhish

jangalī phaloñ se ziyāda vahshī

kaun batā.e aisī rātoñ meñ

jab phuul dhanak ban jaate haiñ

parinde alaav taap kar zamīn chhoḌ dete haiñ

ham kitnā mar jaate haiñ

laDkiyon se ziyaada KHubsurat mausamon mein

ye dariya

kahan le jate hain

kya pahaDon mein

chakoron ki bastiyon se udhar bhi

parinde uDte hain

ya dhund ke dusre kinare

andhere KHali ho jate hain

koi puchhe aisi musla-dhaar hawaon mein

uDte hue raste

kahan le jate hain

kya aansuon mein

KHwab dekhne ke dukhon se us par

zamin bahut sabz ho jati hai

aur aasman shahron ke chehre bhul jata hai

sach puchho to aasman ka pyar

samundar ke paniyon se ziyaada KHubsurat hai

aur teri chhatiyon ki KHwahish

jangali phalon se ziyaada wahshi

kaun batae aisi raaton mein

jab phul dhanak ban jate hain

parinde alaw tap kar zamin chhoD dete hain

hum kitna mar jate hain