nae aadam ki tashkil

hechrī meñ aadmī ik din Dhaleñge dekhnā

pahle ik sāñcha banegā us ko parkhā jā.egā

nasl dekhī jā.egī rangat nikhārī jā.egī

qadd-o-qāmat dekh kar a.azā tarāshe jā.eñge

aadmī aadam banā.egā nayā bilkul nayā

phir usī aadam kī taḳhlīq-e-mukarrar silsila-dar-silsila

saare sāñche toḌ deñge is na.e paikar ke baa'd

ek rangat ik qad-o-qāmat zabān-o-nasl ek

gintiyāñ hoñgī adad hoñge bajā.e nasb-o-nām

be-ḳhabar maazī se mustaqbil se nā-āgāh sab

haal meñ jiite raheñge haal meñ mar jā.eñge

ādamiyyat dostī insāf amn-o-āshatī

yaanī farsūda luġhāt-e-ilm

ta.alīm-o-talammuz ek saath

sab se gahrī khaa.ī meñ tārīḳh kī

dafn kar ke un se fursat pā.eñge

phir sitāroñ kā jahāñ hogā

vahīñ uḌ jā.eñge

hechri mein aadmi ek din Dhalenge dekhna

pahle ek sancha banega us ko parkha jaega

nasl dekhi jaegi rangat nikhaari jaegi

qadd-o-qamat dekh kar aaza tarashe jaenge

aadmi aadam banaega naya bilkul naya

phir usi aadam ki taKHliq-e-mukarrar silsila-dar-silsila

sare sanche toD denge is nae paikar ke ba'd

ek rangat ek qad-o-qamat zaban-o-nasl ek

gintiyan hongi adad honge bajae nasb-o-nam

be-KHabar mazi se mustaqbil se na-agah sab

haal mein jite rahenge haal mein mar jaenge

aadamiyyat dosti insaf amn-o-ashati

yani farsuda lughat-e-ilm

talim-o-talammuz ek sath

sab se gahri khai mein tariKH ki

dafn kar ke un se fursat paenge

phir sitaron ka jahan hoga

wahin uD jaenge