nae sal ki aamad par

phir na.e saal kī aamad hai nayā jaam chale

phir barahman ne kahā hai ki ye saal achchhā hai

mere kamre meñ calender jo na.e saal kā āvezāñ hai

nazar aatā hai guzishta kī tarah

vahī uljhe hue hālāt vahī mahñgā.ī

hai vahī tishna-labī aur vahī tanhā.ī

na mohabbat na muravvat na vafā ke āsār

ādamiyyat ke taqāze na sadāqat kī phaban

jis tarah ātish-e-imroz meñ jaltī tasvīr

jaise kajlā.ī huī dast-e-hinā.ī kī lakīr

mere kamre meñ calender jo na.e saal kā āvezāñ hai

nazar aatā hai guzishta kī tarah

ek manzar jo suhānā hai vo phaile to sahī

raaj ḳhushiyoñ kā ho chehroñ pe masarrat chamke

ghar ke āñgan meñ mohabbat kā koī gul mahke

aur shā.ir kā qalam ek qasīda likkhe

jis kā har lafz ho āġhāz-e-masarrat kī naved

Thiik hai ham bhī na.e saal kā naqsha dekheñ

bāb-dar-bāb koī ḳhvāb-e-tamannā dekheñ

mere kamre meñ calender jo na.e saal kā āvezāñ hai

ḳhud tamāsha hai tamāshā.ī bhī

phir nae sal ki aamad hai naya jam chale

phir barahman ne kaha hai ki ye sal achchha hai

mere kamre mein calender jo nae sal ka aawezan hai

nazar aata hai guzishta ki tarah

wahi uljhe hue haalat wahi mahngai

hai wahi tishna-labi aur wahi tanhai

na mohabbat na murawwat na wafa ke aasar

aadamiyyat ke taqaze na sadaqat ki phaban

jis tarah aatish-e-imroz mein jalti taswir

jaise kajlai hui dast-e-hinai ki lakir

mere kamre mein calender jo nae sal ka aawezan hai

nazar aata hai guzishta ki tarah

ek manzar jo suhana hai wo phaile to sahi

raj KHushiyon ka ho chehron pe masarrat chamke

ghar ke aangan mein mohabbat ka koi gul mahke

aur shair ka qalam ek qasida likkhe

jis ka har lafz ho aaghaz-e-masarrat ki nawed

Thik hai hum bhi nae sal ka naqsha dekhen

bab-dar-bab koi KHwab-e-tamanna dekhen

mere kamre mein calender jo nae sal ka aawezan hai

KHud tamasha hai tamashai bhi