naqsh-e-pa

Akhtar-ul-Iman

naqsh-e-pa

Akhtar-ul-Iman

MORE BY Akhtar-ul-Iman

    ye nīm-ḳhvāb ghaas par udaas udaas naqsh-e-pā

    kuchal rahā hai shabnamī libās hayāt ko

    vo motiyoñ bārisheñ fazā meñ jazb ho ga.iiñ

    jo ḳhāk-dān-e-tīra par baras rahī thiiñ raat ko

    ye rahravān-e-zindagī ḳhabar nahīñ kahāñ ga.e

    vo kaun jahān hai azal nahīñ abad nahīñ

    darāz se darāz-tar haiñ halqa-hā-e-roz-o-shab

    ye kis maqām par huuñ maiñ ki bandishoñ had nahīñ

    hai markaz-e-nigāh par chaTān khaḌī huī

    udhar chaTān se pare vasī.a-tar hai tīrgī

    use phalāñg bhī gayā to is taraf ḳhabar nahīñ

    adam ḳharāb-tar mile na maut ho na zindagī

    hazār baar chāhtā huuñ bandishoñ ko toḌ duuñ

    magar ye āhanī rasan ye halqa-hā-e-bandagī

    lipaT ga.e haiñ paañv se lahū meñ jazb ho ga.e

    maiñ naqsh-pā-e-umr huuñ fareb-ḳhurda-e-ḳhushī

    koī nayā ufuq nahīñ jahāñ nazar na aa sakeñ

    ye zard zard sūrateñ ye haDDiyoñ ke joḌ se

    havā ke bāzuoñ meñ kaash itnī taab aa sake

    dikhā sakeñ vo ahd-e-nau zindagī ke moḌ se

    ye nim-KHwab ghas par udas udas naqsh-e-pa

    kuchal raha hai shabnami libas ki hayat ko

    wo motiyon ki barishen faza mein jazb ho gain

    jo KHak-dan-e-tira par baras rahi thin raat ko

    ye rahrawan-e-zindagi KHabar nahin kahan gae

    wo kaun sa jahan hai azal nahin abad nahin

    daraaz se daraaz-tar hain halqa-ha-e-roz-o-shab

    ye kis maqam par hun main ki bandishon ki had nahin

    hai markaz-e-nigah par chaTan si khaDi hui

    udhar chaTan se pare wasia-tar hai tirgi

    use phalang bhi gaya to is taraf KHabar nahin

    adam KHarab-tar mile na maut ho na zindagi

    hazar bar chahta hun bandishon ko toD dun

    magar ye aahani rasan ye halqa-ha-e-bandagi

    lipaT gae hain panw se lahu mein jazb ho gae

    main naqsh-pa-e-umr hun fareb-KHurda-e-KHushi

    koi naya ufuq nahin jahan nazar na aa saken

    ye zard zard suraten ye haDDiyon ke joD se

    hawa ke bazuon mein kash itni tab aa sake

    dikha saken wo ahd-e-nau hi zindagi ke moD se

    Source:

    • Book: Kulliyat-e-Akhtaruliman (Pg. 56)
    • Author: Baidar Bakht
    • Publication: Educational Publishing House (2006)
    • Edition: 2006
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites