nargis-e-mastana

Jigar Moradabadi

nargis-e-mastana

Jigar Moradabadi

MORE BY Jigar Moradabadi

    INTERESTING FACT

    KHitaab-ba- asGar gondvi

    apnā ai nargis-e-mastāna banā de

    maiñ jab tujhe jānūñ mujhe dīvāna banā de

    har qaid se har rasm se begāna banā de

    dīvāna banā de mujhe dīvāna banā de

    ik barq-e-adā ḳhirman-e-hastī pe girā kar

    nazroñ ko mirī tuur afsāna banā de

    har dil hai tirī bazm meñ labrez-e-mai-e-ishq

    ik aur bhī paimāna se paimāna banā de

    sāqi-e-mai-ḳhāna bhī nashsha o mai bhī

    maiñ tishna-e-hastī mujhe mastāna banā de

    allāh ne tujh ko mai o mai-ḳhāna banāyā

    saarī fazā ko mai o mai-ḳhāna banā de

    sāqi-e-mai-ḳhāna hai maiñ rind-e-balā-nosh

    mere liye mai-ḳhāne ko paimāna banā de

    dīda-o-dil meñ mire aap samā

    phir dil-o-dīda ko vīrāna banā de

    qatre meñ vo dariyā hai jo aalam ko Dubo de

    zarre meñ vo sahrā hai ki dīvāna banā de

    lekin mujhe har qaid-e-ta.ayyun se bachā kar

    jo chāhe vo ai nargis-e-mastāna banā de

    aalam to hai dīvāna jigar! husn ḳhātir

    apne liye husn ko dīvāna banā de

    kab tak nigah-e-yār na hogī mutabassim

    apnā har andāz harīfāna banā de

    munkir na ban husn ke e.ajāz-e-nazar

    kahne ke liye apne ko begāna banā de

    jab tak karam-e-ḳhās dariyā na umañD aa.e

    aur bhī haal apnā safīhāna banā de

    but-ḳhāne aa nikle to ka.aba binā Daal

    ka.abe meñ pahuñch jaa.e to but-ḳhāna banā de

    jo mauj uThe dil se tire josh-e-talab meñ

    sar rakh ke vahīñ sajda-e-shukrāna banā de

    jab mā.il-e-altāf nazar aa.e vo ḳhud-bīñ

    har nigah-e-shauq ko afsāna banā de

    kaunain bhī mil jaa.e to dāman ko na phailā

    kaunain ko bhūlā huā afsāna banā de

    phir arz kar is tarah 'jigar' shauq o adab se

    bebāk agar jur.at-e-rindāna banā de

    tujh ko nigah-e-yār! qasam mere junūñ

    nāseh ko bhī merā dīvāna banā de

    maiñ huuñ tire qadmoñ meñ mujhe kuchh nahīñ kahnā

    ab jo bhī tirā lutf-e-karīmāna banā de

    apna hi sa ai nargis-e-mastana bana de

    main jab tujhe jaanun mujhe diwana bana de

    har qaid se har rasm se begana bana de

    diwana bana de mujhe diwana bana de

    ek barq-e-ada KHirman-e-hasti pe gira kar

    nazron ko meri tur ka afsana bana de

    har dil hai teri bazm mein labrez-e-mai-e-ishq

    ek aur bhi paimana se paimana bana de

    tu saqi-e-mai-KHana bhi tu nashsha o mai bhi

    main tishna-e-hasti mujhe mastana bana de

    allah ne tujh ko mai o mai-KHana banaya

    tu sari faza ko mai o mai-KHana bana de

    tu saqi-e-mai-KHana hai main rind-e-bala-nosh

    mere liye mai-KHane ko paimana bana de

    ya dida-o-dil mein mere tu aap sama ja

    ya phir dil-o-dida hi ko virana bana de

    qatre mein wo dariya hai jo aalam ko Dubo de

    zarre mein wo sahra hai ki diwana bana de

    lekin mujhe har qaid-e-tayyun se bacha kar

    jo chahe wo ai nargis-e-mastana bana de

    aalam to hai diwana jigar! husn ki KHatir

    tu apne liye husn ko diwana bana de

    kab tak nigah-e-yar na hogi mutabassim

    tu apna har andaz harifana bana de

    munkir tu na ban husn ke eajaz-e-nazar ka

    kahne ke liye apne ko begana bana de

    jab tak karam-e-KHas ka dariya na umanD aae

    tu aur bhi haal apna safihana bana de

    but-KHane aa nikle to kaba ki bina Dal

    kabe mein pahunch jae to but-KHana bana de

    jo mauj uThe dil se tere josh-e-talab mein

    sar rakh ke wahin sajda-e-shukrana bana de

    jab mail-e-altaf nazar aae wo KHud-bin

    tu har nigah-e-shauq ko afsana bana de

    kaunain bhi mil jae to daman ko na phaila

    kaunain ko bhula hua afsana bana de

    phir arz kar is tarah 'jigar' shauq o adab se

    bebak agar jurat-e-rindana bana de

    tujh ko nigah-e-yar! qasam mere junun ki

    naseh ko bhi mera hi sa diwana bana de

    main hun tere qadmon mein mujhe kuchh nahin kahna

    ab jo bhi tera lutf-e-karimana bana de

    Source:

    • Book: Kulliyat-e-jigar (Pg. 416)
    • Author: Jigar Muradabadi
    • Publication: Educational Publishing House (2011)
    • Edition: 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites