Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

nasha baqi hai

Khaleel Mamoon

nasha baqi hai

Khaleel Mamoon

MORE BYKhaleel Mamoon

    karūñgā fat.h koī shaam to maiñ utrūñgā ulajhtī saañs ke kīkar se aur

    ḳhvāboñ se raft-o-būd ke us paar

    abad ke husn-e-harīrī ke safed se phuul apnī palkoñ pe chun sakūñgā maiñ

    maiñ ban sakūñgā ḳhud apnā libās ḳhud apnā tār-e-nafas

    na sun sakūñgā koī lafz koī nazm aur koī āvāz

    sukūt-e-zāt meñ lamhoñ chaap tak na aa.egī

    chamakte hosh-o-havās thak chukeñ to savād-e-shām meñ

    so.e hue shajar ke tale paḌāv Dālte haiñ

    purānī yādoñ ke rañgīñ parinde shajar se nīche utarte haiñ

    udaas āñkhoñ ke purāne ghar meñ ḳhayāl-o-ḳhvāb

    malbūs pahne aate haiñ

    maiñ nanhe tifl ke mānind unheñ pakaḌne khulī niim ujlī

    vādiyoñ meñ dauḌtā huuñ

    kahīñ pe pair phisaltā hai aur dhaḌām se nīche kaalī khā.īyoñ

    meñ Dūbtā huuñ

    aañkh khultī hai

    chahār-samt añdherā hai añdhere meñ sapedī

    koī rañg koī libās nahīñ

    koī ḳhushbū koī baas nahīñ

    baḌī der talak ghūrte añdhere meñ

    rafta rafta ghule haiñ siyāhī mujh meñ aur maiñ

    siyāhī meñ

    athāh niiñd ke sāhil pe saarī umr ke daaġh

    tamām nasl ke saare gunāh dhulte haiñ

    magar havās kahāñ chhoḌte haiñ jism ke rog

    savere pahlī kiran raushnī jaise jhilmilātī hai

    ḳhvābīda aañkh kulbulātī hai

    athāh niiñd ke sāhil pe dhuup phailtī hai

    daaġh ujāloñ meñ phir chamakne lagte haiñ

    saare gunāh añdherī ruuh ke tāqoñ pe

    phir charāġh mānind jalne lagte haiñ

    na shaam fat.h huī aur na sub.h fat.h huī

    raat fat.h huī aur na baat fat.h huī

    vahī huuñ maiñ vahī din raat aur vahī man-o-tū

    vahī zamāna vahī yādeñ aur vahī ḳhvāb

    nasha utarne pe vahī maḳhlūq aur vahī duniyā

    vahīñ haiñ motareñ vahī rāste vahī shahr aur vahī gaañv

    vahī hai biivī vahī bachche vahī ghar aur vahī chhāñv

    karūñgā fat.h koī shaam to maiñ utrūñgā

    tire kināre (mere rū-ba-rū) ki jahāñ

    na koī sub.h na shaam aur na koī niiñd na ḳhvāb

    na koī rasta na manzil na koī ghar hai na ghāT!

    karunga fath koi sham to main utrunga ulajhti sans ke kikar se aur

    KHwabon se raft-o-bud ke us par

    abad ke husn-e-hariri ke safed se phul apni palkon pe chun sakunga main

    main ban sakunga KHud apna libas KHud apna tar-e-nafas

    na sun sakunga koi lafz koi nazm aur koi aawaz

    sukut-e-zat mein lamhon ki chap tak na aaegi

    chamakte hosh-o-hawas thak chuken to sawad-e-sham mein

    soe hue shajar ke tale paDaw Dalte hain

    purani yaadon ke rangin parinde shajar se niche utarte hain

    udas aankhon ke purane ghar mein KHayal-o-KHwab

    ka malbus pahne aate hain

    main nanhe tifl ke manind unhen pakaDne khuli nim ujli

    wadiyon mein dauDta hun

    kahin pe pair phisalta hai aur dhaDam se niche kali khaiyon

    mein Dubta hun

    aankh khulti hai

    chahaar-samt andhera hai andhere mein sapedi

    koi rang koi libas nahin

    koi KHushbu koi bas nahin

    baDi hi der talak ghurte andhere mein

    rafta rafta ghule hain siyahi mujh mein aur main

    siyahi mein

    athah nind ke sahil pe sari umr ke dagh

    tamam nasl ke sare gunah dhulte hain

    magar hawas kahan chhoDte hain jism ke rog

    sawere pahli kiran raushni ki jaise hi jhilmilati hai

    KHwabida aankh kulbulati hai

    athah nind ke sahil pe dhup phailti hai

    dagh ujalon mein phir chamakne lagte hain

    sare gunah andheri ruh ke taqon pe

    phir charagh ki manind jalne lagte hain

    na sham fath hui aur na subh fath hui

    raat fath hui aur na baat fath hui

    wahi hun main wahi din raat aur wahi man-o-tu

    wahi zamana wahi yaaden aur wahi KHwab

    nasha utarne pe wahi maKHluq aur wahi duniya

    wahin hain motaren wahi raste wahi shahr aur wahi ganw

    wahi hai biwi wahi bachche wahi ghar aur wahi chhanw

    karunga fath koi sham to main utrunga

    tere kinare (mere ru-ba-ru) ki jahan

    na koi subh na sham aur na koi nind na KHwab

    na koi rasta na manzil na koi ghar hai na ghaT!

    Source :
    • Book : saughat-shumara-number-002-magazines (Pg. 231)
    • Edition : (1992)
    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now