nashat-e-umid

Altaf Hussain Hali

nashat-e-umid

Altaf Hussain Hali

MORE BY Altaf Hussain Hali

    ai mirī ummīd merī jāñ-navāz

    ai mirī dil-soz merī kārsāz

    merī sipar aur mire dil panāh

    dard-o-musībat meñ mirī takiya-gāh

    aish meñ aur rañj maiñ merī shafīq

    koh meñ aur dasht meñ merī rafīq

    kāTne vaalī ġham-e-ayyām

    thāmne vaalī dil-e-nākām

    dil pa paḌā aan ke jab koī dukh

    tere dilāse se milā ham ko sukh

    ne na chhoḌā kabhī ġhurbat meñ saath

    ne uThāyā na kabhī sar se haath

    ko ho kabhī agar usrat rañj

    khol diye nai qanā.at ke ganj

    tujh se hai mohtāj dil be-hirās

    tujh se hai bīmār ko jiine aas

    ḳhātir-e-ranjūr darmāñ hai

    āshiq-e-mahjūr īmāñ hai

    nuuh kashtī sahārā thī

    chaah meñ yūsuf dil-ārā thī

    raam ke ham-rāh chaḌhī ran meñ

    pāñDav ke bhī saath phirī ban meñ

    ne sadā qais bahlāyā dil

    thaam liyā jab kabhī ghabrāyā dil

    ho gayā farhād qissa tamām

    par tire fiqroñ pe rahā ḳhush mudām

    ne rāñjhe ye bañdhvā.ī aas

    hiir thī furqat meñ bhī goyā ki paas

    hotī hai pusht pe himmat jab

    mushkileñ āsāñ nazar aatī haiñ sab

    haath meñ jab aa ke liyā ne haat

    saat samundar se guzarnā hai baat

    saath milā jis ko tirā do qadam

    kahtā hai vo ye hai arab aur ajam

    ghoḌe apne jahāñ ne baag

    sāmne hai tere gayā aur praag

    azm ko jab detī hai mel jast

    gumbad-e-gardūñ nazar aatā hai past

    ne diyā aa ke ubhārā jahāñ

    samjhe ki muTThī meñ hai saarā jahāñ

    zarre ko ḳhurshīd meñ de khapā

    bande ko allāh se de milā

    donoñ jahāñ hai bañdhī tujh se laḌ

    diin asl hai duniyā jaḌ

    nekiyoñ tujh se hai qaa.em asaas

    na ho to jaa.eñ na nekī ke paas

    diin tujh bin kahīñ pursish na ho

    na ho to haq parastish na ho

    ḳhushk thā bin tere daraḳht-e-amal

    ne lagā.e haiñ ye sab phuul phal

    dil ko lubhātī hai kabhī ban ke huur

    gaah dikhātī hai sharāb-e-tuhūr

    naam hai sidra kabhī tuubā tirā

    roz nirālā hai tamāshā tirā

    kausar o tasnīm hai salsabīl

    jalve haiñ sab tere ye be-qāl-o-qīl

    ruup haiñ har panth meñ tere alag

    hai kahīñ firdaus kahīñ hai sovarg

    chhūT ga.e saare qarīb aur ba.iid

    ek na chhūTī to na chhūTī umiid

    tere dam se kaTe jo din the saḳht

    tere sadqe se milā tāj-o-taḳht

    ḳhākiyoñ tujh se hai himmat buland

    na ho to kaam hoñ duniyā ke band

    tujh se ābād hai kaun-o-makāñ

    na ho to hai bhī barham jahāñ

    koī paḌtā phirtā hai bahr-e-ma.āsh

    hai koī iksīr ko kartā talāsh

    ik tamannā meñ hai aulād

    ek ko dil-dār hai lau lagī

    ek ko hai dhan jo kuchh haath aa.e

    dhuum se aulād shādī rachā.e

    ek ko kuchh aaj agar mil gayā

    kal hai ye fikr ki khā.eñge kyā

    qaum bahbūd bhūkā hai ek

    jin meñ ho un ke liye anjām-e-nek

    ek ko hai tishnagī-e-qurb-e-haq

    jis ne kiyā dil se jigar tak hai shaq

    jo hai ġharaz us na.ī justujū

    laakh agar dil haiñ to laakh aarzū

    tujh se haiñ dil sab ke magar baaġh baaġh

    gul koī hone nahīñ paatā charāġh

    sab ye samajhte haiñ ki paa.ī murād

    kahtī hai jab ki ab aa.ī murād

    va.ada tirā raast ho ho daroġh

    ne diye haiñ use kyā kyā faroġh

    va.ade vafā kartī hai go chand

    rakhtī hai har ek ko ḳhursand

    bhātī hai sab ko tirī lait-o-la.al

    ne kahāñ sīkhī hai ye aaj kal

    talḳh ko chāhe to shīrīñ kare

    bazm-e-azā ko tarab-āgīñ kare

    aane na de rañj ko muflis ke paas

    rakhe ġhanī us ko rahe jis ke paas

    yaas paatī hai jo kuchh lagāv

    saikḌoñ kartī hai utaar aur chaḌhāo

    aane nahīñ detī diloñ par hirās

    TūTne detī nahīñ tālib aas

    jin ko mayassar na ho kamlī phaTī

    ḳhush haiñ tavaqqo.a pe vo zar-baft

    chaTnī se roTī hai jin banāv

    baiThe pakāte haiñ ḳhayālī polāv

    paañv meñ juutī nahīñ par hai ye zauq

    ghoḌā jo sabza ho to niilā ho tauq

    faiz ke khole haiñ jahāñ ne baab

    dekhte haiñ jhoñpaḌe mahloñ ke ḳhvāb

    tere karishme haiñ ġhazab dil-fareb

    dil meñ nahīñ chhoḌte sabr-o-shakeb

    tujh se muhavvis ne jo shūrā liyā

    phūñk diyā kaan meñ kyā jaane kyā

    dil se bhulāyā zan o farzand ko

    lag gayā ghun naḳhl-e-baromañd ko

    khāne se piine se huā sard

    aisī kuchh iksīr hai lau lagī

    diin hai fikr na duniyā se kaam

    dhun hai yahī raat din aur sub.h shaam

    dhoñknī hai baiTh ke jab dhoñknā

    shah ko samajhtā hai ik adnā gadā

    paise ko jab taav pe detā hai taav

    pūchhtā yāroñ se hai sone bhaav

    kahtā hai jab hañste haiñ sab dekh kar

    rah ga.ī ik aañch baaqī kasar

    hai isī dhund meñ vo āsūda-hāl

    ne diyā aql pe parda Daal

    tol kar gar dekhiye us ḳhushī

    koī ḳhushī is ko na pahuñche kabhī

    phirte haiñ mohtāj ka.ī tīra-baḳht

    jan ke pairoñ meñ thā kabhī tāj-o-taḳht

    aaj jo bartan haiñ to kal ghar karo

    maltī hai mushkil se inheñ nān-e-jau

    taire sivā ḳhaak nahīñ in ke paas

    saarī ḳhudā.ī meñ hai le de ke aas

    phūle samāte nahīñ is aas par

    sāhib-e-ālam unheñ kahiye agar

    khāte haiñ is aas pa qasmeñ ajiib

    jhūTe ko ho taḳht na yā-rab nasīb

    hotā hai naumīdiyoñ jab hujūm

    aatī hai hasrat ghaTā jhuum jhuum

    lagtī hai himmat kamar TūTne

    hausla lagtā hai chhūTne

    hotī hai be-sabrī o tāqat meñ jañg

    arsa-e-ālam nazar aatā hai tañg

    meñ ye aatā hai ki sam khā.iye

    phaaḌ ke kapḌe nikal jā.iye

    baiThne lagtā hai dil aave tarah

    yaas Darātī hai chhalāve tarah

    hotā hai shikva kabhī taqdīr

    uḌtā hai ḳhāka kabhī tadbīr

    Thantī hai gardūñ se laḌā.ī kabhī

    hotī hai qismat hañsā.ī kabhī

    jaatā hai qaabū se āḳhir dil nikal

    kartā hai in mushkiloñ ko hal

    kaan meñ pahuñchī tirī aahaT jo haiñ

    raḳht-e-safar yaas nai bāñdhā vahīñ

    saath ga.ī yaas ke pazhmurdagī

    ho ga.ī kāfūr sab afsurdagī

    tujh meñ chhupā rāhat-e-jāñ hai bhed

    chhoḌiyo 'hālī' na saath ai umiid

    ai meri ummid meri jaan-nawaz

    ai meri dil-soz meri karsaz

    meri sipar aur mere dil ki panah

    dard-o-musibat mein meri takiya-gah

    aish mein aur ranj main meri shafiq

    koh mein aur dasht mein meri rafiq

    kaTne wali gham-e-ayyam ki

    thamne wali dil-e-nakaam ki

    dil pa paDa aan ke jab koi dukh

    tere dilase se mila hum ko sukh

    tu ne na chhoDa kabhi ghurbat mein sath

    tu ne uThaya na kabhi sar se hath

    ji ko ho kabhi agar usrat ka ranj

    khol diye tu nai qanaat ke ganj

    tujh se hai mohtaj ka dil be-hiras

    tujh se hai bimar ko jine ki aas

    KHatir-e-ranjur ka darman hai tu

    aashiq-e-mahjur ka iman hai tu

    nuh ki kashti ka sahaara thi tu

    chah mein yusuf ki dil-ara thi tu

    ram ke ham-rah chaDhi ran mein tu

    panDaw ke bhi sath phiri ban mein tu

    tu ne sada qais ka bahlaya dil

    tham liya jab kabhi ghabraya dil

    ho gaya farhad ka qissa tamam

    par tere fiqron pe raha KHush mudam

    tu ne hi ranjhe ki ye bandhwai aas

    hir thi furqat mein bhi goya ki pas

    hoti hai tu pusht pe himmat ki jab

    mushkilen aasan nazar aati hain sab

    hath mein jab aa ke liya tu ne hat

    sat samundar se guzarna hai baat

    sath mila jis ko tera do qadam

    kahta hai wo ye hai arab aur ajam

    ghoDe ki li apne jahan tu ne bag

    samne hai tere gaya aur prag

    azm ko jab deti hai tu mel jast

    gumbad-e-gardun nazar aata hai past

    tu ne diya aa ke ubhaara jahan

    samjhe ki muTThi mein hai sara jahan

    zarre ko KHurshid mein de khapa

    bande ko allah se de tu mila

    donon jahan ki hai bandhi tujh se laD

    din ki tu asl hai duniya ki jaD

    nekiyon ki tujh se hai qaem asas

    tu na ho to jaen na neki ke pas

    din ki tujh bin kahin pursish na ho

    tu na ho to haq ki parastish na ho

    KHushk tha bin tere daraKHt-e-amal

    tu ne lagae hain ye sab phul phal

    dil ko lubhati hai kabhi ban ke hur

    gah dikhati hai sharab-e-tuhur

    nam hai sidra kabhi tuba tera

    roz nirala hai tamasha tera

    kausar o tasnim hai ya salsabil

    jalwe hain sab tere ye be-qal-o-qil

    rup hain har panth mein tere alag

    hai kahin firdaus kahin hai sowarg

    chhuT gae sare qarib aur baid

    ek na chhuTi to na chhuTi umid

    tere hi dam se kaTe jo din the saKHt

    tere hi sadqe se mila taj-o-taKHt

    KHakiyon ki tujh se hai himmat buland

    tu na ho to kaam hon duniya ke band

    tujh se hi aabaad hai kaun-o-makan

    tu na ho to hai bhi barham jahan

    koi paDta phirta hai bahr-e-maash

    hai koi iksir ko karta talash

    ek tamanna mein hai aulad ki

    ek ko dil-dar ki hai lau lagi

    ek ko hai dhan jo kuchh hath aae

    dhum se aulad ki shadi rachae

    ek ko kuchh aaj agar mil gaya

    kal ki hai ye fikr ki khaenge kya

    qaum ki bahbud ka bhuka hai ek

    jin mein ho un ke liye anjam-e-nek

    ek ko hai tishnagi-e-qurb-e-haq

    jis ne kiya dil se jigar tak hai shaq

    jo hai gharaz us ki nai justuju

    lakh agar dil hain to lakh aarzu

    tujh se hain dil sab ke magar bagh bagh

    gul koi hone nahin pata charagh

    sab ye samajhte hain ki pai murad

    kahti hai jab tu ki ab aai murad

    wada tera rast ho ya ho darogh

    tu ne diye hain use kya kya farogh

    wade wafa karti hai go chand tu

    rakhti hai har ek ko KHursand tu

    bhati hai sab ko teri lait-o-lal

    tu ne kahan sikhi hai ye aaj kal

    talKH ko tu chahe to shirin kare

    bazm-e-aza ko tarab-agin kare

    aane na de ranj ko muflis ke pas

    rakhe ghani us ko rahe jis ke pas

    yas ka pati hai jo tu kuchh lagaw

    saikDon karti hai utar aur chaDhao

    aane nahin deti dilon par hiras

    TuTne deti nahin talib ki aas

    jin ko mayassar na ho kamli phaTi

    KHush hain tawaqqoa pe wo zar-baft ki

    chaTni se roTi ka hai jin ki banaw

    baiThe pakate hain KHayali polaw

    panw mein juti nahin par hai ye zauq

    ghoDa jo sabza ho to nila ho tauq

    faiz ke khole hain jahan tu ne bab

    dekhte hain jhonpaDe mahlon ke KHwab

    tere karishme hain ghazab dil-fareb

    dil mein nahin chhoDte sabr-o-shakeb

    tujh se muhawwis ne jo shura liya

    phunk diya kan mein kya jaane kya

    dil se bhulaya zan o farzand ko

    lag gaya ghun naKHl-e-baromand ko

    khane se pine se hua sard ji

    aisi kuchh iksir ki hai lau lagi

    din ki hai fikr na duniya se kaam

    dhun hai yahi raat din aur subh sham

    dhonkni hai baiTh ke jab dhonkna

    shah ko samajhta hai ek adna gada

    paise ko jab taw pe deta hai taw

    puchhta yaron se hai sone ka bhaw

    kahta hai jab hanste hain sab dekh kar

    rah gai ek aanch ki baqi kasar

    hai isi dhund mein wo aasuda-haal

    tu ne diya aql pe parda sa Dal

    tol kar gar dekhiye us ki KHushi

    koi KHushi is ko na pahunche kabhi

    phirte hain mohtaj kai tira-baKHt

    jan ke pairon mein tha kabhi taj-o-taKHt

    aaj jo bartan hain to kal ghar karo

    malti hai mushkil se inhen nan-e-jau

    taire siwa KHak nahin in ke pas

    sari KHudai mein hai le de ke aas

    phule samate nahin is aas par

    sahib-e-alam unhen kahiye agar

    khate hain is aas pa qasmen ajib

    jhuTe ko ho taKHt na ya-rab nasib

    hota hai naumidiyon ka jab hujum

    aati hai hasrat ki ghaTa jhum jhum

    lagti hai himmat ki kamar TuTne

    hausla ka lagta hai ji chhuTne

    hoti hai be-sabri o taqat mein jang

    arsa-e-alam nazar aata hai tang

    ji mein ye aata hai ki sam khaiye

    phaD ke ya kapDe nikal jaiye

    baiThne lagta hai dil aawe ki tarah

    yas Daraati hai chhalawe ki tarah

    hota hai shikwa kabhi taqdir ka

    uDta hai KHaka kabhi tadbir ka

    Thanti hai gardun se laDai kabhi

    hoti hai qismat ki hansai kabhi

    jata hai qabu se aaKHir dil nikal

    karta hai in mushkilon ko tu hi hal

    kan mein pahunchi teri aahaT jo hain

    raKHt-e-safar yas nai bandha wahin

    sath gai yas ke pazhmurdagi

    ho gai kafur sab afsurdagi

    tujh mein chhupa rahat-e-jaan ka hai bhed

    chhoDiyo 'haali' ka na sath ai umid

    Source:

    • Book : intekhab-e-sukhan (Pg. 29)
    • Author : Ibne Kanwal
    • Publication : Kitabi Duniya (2005-2008)
    • Edition : 2005-2008
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY