naya aadam

Shamim Qasmi

naya aadam

Shamim Qasmi

MORE BYShamim Qasmi

    barsoñ riyāzat ke ba.ad

    zindagī ke tamām numāyāñ usūloñ ke

    faulād bante hue se dā.eroñ ko

    toḌ kar

    Thiik dil ke bīchoñ-bīch

    ek inch chhed karne kāmyāb training

    ham ne le hai

    aur ab to

    jis thālī meñ khāte haiñ

    us meñ chhed karne gur bhī hameñ aa gayā hai

    maanā ki darindoñ ke bhī

    shikār karne ke apne usuul hote haiñ

    ThanDe aur garm gosht

    unheñ bhī tamīz hotī hai

    ek ham haiñ

    ki kis darja kamtar ho ga.e haiñ

    phir bhī hamārī afzaliyat

    har jagah barqarār hai

    ki ham ashraf-e-maḳhlūq kahlāte haiñ

    lekin aaj

    hameñ ye e'tirāf karnā paḌegā ki

    concrete ke bane is jañgal meñ

    haivān-e-nātiq se kahīñ behtar

    ye jañgalī suar hote haiñ

    barson ki riyazat ke baad

    zindagi ke tamam numayan usulon ke

    faulad bante hue se daeron ko

    toD kar

    Thik dil ke bichon-bich

    ek inch chhed karne ki kaamyab training

    hum ne le li hai

    aur ab to

    jis thaali mein khate hain

    us mein chhed karne ka gur bhi hamein aa gaya hai

    mana ki darindon ke bhi

    shikar karne ke apne usul hote hain

    ThanDe aur garm gosht ki

    unhen bhi tamiz hoti hai

    ek hum hain

    ki kis darja kamtar ho gae hain

    phir bhi hamari afzaliyat

    har jagah barqarar hai

    ki hum ashraf-e-maKHluq kahlate hain

    lekin aaj

    hamein ye e'tiraf karna hi paDega ki

    concrete ke bane is jangal mein

    haiwan-e-natiq se kahin behtar

    ye jangali suar hote hain

    Source
    • Book : Aatish Fishan (Pg. 26)
    • Author : shamim qasmi
    • Edition : 1983
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY