naya daur

na.e zamāne kī taknīkoñ ke chakkar meñ

kyā kyā bichhaḌ gayā kuchh yaad hai

kitābeñ almāriyoñ meñ dam ghūñT rahī haiñ

har safha adh-marā sā ho gayā hai

un kā bhaar ab logoñ se uThtā nahīñ

shāyad achānak se bahut bhārī ho ga.ī haiñ

hazāroñ ke barābar to sau-gram kā kunDal hai

panne nahīñ palTe jaate ab

bas swip kiyā jaatā hai

ghaḌiyāñ apne band baksoñ meñ band paḌī haiñ

koī ab un kī chābī nahīñ bhartā

shāyad thak jaate the bhar bhar ke

mehnat lagtī thī

ab ghaḌiyāñ haath meñ nahīñ bāñdhte

jeboñ meñ rakhte haiñ mobile

ainak dhuul khā rahā hai ghar ke kisī kone meñ

ab to vo ḳhud bhī kuchh dekh nahīñ saktā

na.ī āñkhoñ ne us kī jagah le lī hai

ab to āñkhoñ kā rañg bhī man-chāhā kar sakte haiñ

kaalā niilā piilā yā harā kuchh bhī

avon kī vo cycle chhat par paḌī jañg khā rahī hai

ab koī us ko Dhone vaalā chāhiye

ab vo kisī ko nahīñ Dho saktī

us ke badle aam amrūd bhī nahīñ le sakte ab

kāġhaz le sakte haiñ magar hare aur laal

un kāġhazoñ se phir Dabbe ḳharīd leñge

aam amrūd ke juice ke shat-partīshat vaale

chakkī ke bāToñ ke beach ab kuchh nahīñ aatā

shānt paḌe rahte haiñ jaise mar ga.e huuñ be-shak patthar the

sil-baTTe bichhaḌ ga.e haiñ ka.ī sāloñ se mile nahīñ

aur chakkī ke baañT bhī ek arse se hile nahīñ

ab chakkī aur sil-baTTe kī kaTar kaTar kī jagah

mixer grinder kī ghan ghan sunā.ī detī hai bas

jis mez par T v rakhte the

vo ab store room meñ rakhī hai

dīvār pe Tñgatī hai ab T v

mez anāth ho ga.ī hai ab

kuchh jiioñ ko khānā mil gayā

kisī kaam to aa rahī hai

ab us ko dīmak khā rahī hai

ka.ī sāloñ purānā niim kā peḌ

jo paapā ne āñgan meñ lagāyā thā

jis ne har saal taptī huī dhuup se

chhāñv de kar ham sab ko bachāyā thā

kaTvānā paḌā car nahīñ jaatī thī

beach meñ paḌtā thā rāste meñ aḌtā thā

ab garmiyoñ meñ āñgan suunā paḌā rahtā hai

saarī dopahar sannāTā pasrā rahtā hai

motī bhī nahīñ jaatā kamre meñ bhauñktā rahtā hai

ab kushtī koī nahīñ laḌtā

dekhte haiñ jo T v pe laḌte rahte haiñ

chiḌiyā ballā ballā geñd

TaañD meñ rakhe saḌte rahte haiñ

ab kanche koī nahīñ phoḌtā

sab kampaT phoḌte rahte haiñ

ab rishta koī nahīñ joḌtā

sab Tokan joḌte rahte haiñ

nae zamane ki taknikon ke chakkar mein

kya kya bichhaD gaya kuchh yaad hai

kitaben almariyon mein dam ghunT rahi hain

har safha adh-mara sa ho gaya hai

un ka bhaar ab logon se uThta nahin

shayad achanak se bahut bhaari ho gai hain

hazaron ke barabar to sau-gram ka kunDal hai

panne nahin palTe jate ab

bas swip kiya jata hai

ghaDiyan apne band bakson mein band paDi hain

koi ab un ki chabi nahin bharta

shayad thak jate the bhar bhar ke

mehnat lagti thi

ab ghaDiyan hath mein nahin bandhte

jebon mein rakhte hain mobile

ainak dhul kha raha hai ghar ke kisi kone mein

ab to wo KHud bhi kuchh dekh nahin sakta

nai aankhon ne us ki jagah le li hai

ab to aankhon ka rang bhi man-chaha kar sakte hain

kala nila pila ya hara kuchh bhi

awon ki wo cycle chhat par paDi jang kha rahi hai

ab koi us ko Dhone wala chahiye

ab wo kisi ko nahin Dho sakti

us ke badle aam amrud bhi nahin le sakte ab

kaghaz le sakte hain magar hare aur lal

un kaghazon se phir Dabbe KHarid lenge

aam amrud ke juice ke shat-partishat wale

chakki ke baTon ke beach ab kuchh nahin aata

shant paDe rahte hain jaise mar gae hun be-shak patthar the

sil-baTTe bichhaD gae hain kai salon se mile nahin

aur chakki ke banT bhi ek arse se hile nahin

ab chakki aur sil-baTTe ki kaTar kaTar ki jagah

mixer grinder ki ghan ghan sunai deti hai bas

jis mez par T w rakhte the

wo ab store room mein rakhi hai

diwar pe Tngati hai ab T w

mez anath ho gai hai ab

kuchh jion ko khana mil gaya

kisi kaam to aa rahi hai

ab us ko dimak kha rahi hai

kai salon purana nim ka peD

jo papa ne aangan mein lagaya tha

jis ne har sal tapti hui dhup se

chhanw de kar hum sab ko bachaya tha

kaTwana paDa car nahin jati thi

beach mein paDta tha raste mein aDta tha

ab garmiyon mein aangan suna paDa rahta hai

sari dopahar sannaTa pasra rahta hai

moti bhi nahin jata kamre mein bhaunkta rahta hai

ab kushti koi nahin laDta

dekhte hain jo T w pe laDte rahte hain

chiDiya balla balla gend

TanD mein rakhe saDte rahte hain

ab kanche koi nahin phoDta

sab kampaT phoDte rahte hain

ab rishta koi nahin joDta

sab Tokan joDte rahte hain