naya khilauna

ik parinde kī sūrat

maiñ apnī hī āzād chhoTī sī duniyā

meñ thī ḳhush-o-ḳhurram

to phir kyā huā

mujhe yaad hai ḳhuub achchhī tarah

tum aa.e merī zindagī meñ

prism ek laa.e

mujhe pesh kar dī

na.e is khilaune ke saath

maiñ bachche kī mānind ḳhush thī

khilaune se jab jhāñktī thī

to duniyā thī lagtī baḌī ḳhūbsūrat

rang hī rang thā har taraf

kabhī to vo qaus-e-quzah ko

pakaḌne kī ḳhvāhish machaltī thī mujh meñ

achānak hī vo pyārā pyārā khilaunā

kisī aur ko sauñp dene kī ḳhātir

ma.an chhīn kar tum ne mujh se

mujhe chhoḌ Daalā alag

ik parinde kī mānind

yādoñ ke pinjre meñ jakḌā huā

ek parinde ki surat

main apni hi aazad chhoTi si duniya

mein thi KHush-o-KHurram

to phir kya hua

mujhe yaad hai KHub achchhi tarah

tum aae meri zindagi mein

prism ek lae

mujhe pesh kar di

nae is khilaune ke sath

main bachche ki manind KHush thi

khilaune se jab jhankti thi

to duniya thi lagti baDi KHubsurat

rang hi rang tha har taraf

kabhi to wo qaus-e-quzah ko

pakaDne ki KHwahish machalti thi mujh mein

achanak hi wo pyara pyara khilauna

kisi aur ko saunp dene ki KHatir

man chhin kar tum ne mujh se

mujhe chhoD Dala alag

ek parinde ki manind

yaadon ke pinjre mein jakDa hua