naya sal

nayā saal aayā nayā saal aayā

umīdoñ kā dil meñ diyā jagmagāyā

na.e saal kā ham ko paiġhām kyā hai

na.e saal meñ ab nayā kaam kyā hai

purānā tarīqa badalnā hai ham ko

taraqqī kī rāhoñ pe chalnā hai ham ko

añdhere ke dāman ko ham chaak kar deñ

vatan kī fazāoñ ko nūr-e-sahar deñ

suneñ dard-mandoñ kī fariyād kyā hai

ġharīboñ pe dar-asl uftād kyā hai

uTheñ aur dukhiyoñ kā dukh duur kar deñ

masarrat se har dil ko ma.amūr kar deñ

na.ī raushnī se fazā jagmagā.eñ

na.e saaz par ab na.e giit gaa.eñ

naya sal aaya naya sal aaya

umidon ka dil mein diya jagmagaya

nae sal ka hum ko paigham kya hai

nae sal mein ab naya kaam kya hai

purana tariqa badalna hai hum ko

taraqqi ki rahon pe chalna hai hum ko

andhere ke daman ko hum chaak kar den

watan ki fazaon ko nur-e-sahar den

sunen dard-mandon ki fariyaad kya hai

gharibon pe dar-asl uftad kya hai

uThen aur dukhiyon ka dukh dur kar den

masarrat se har dil ko mamur kar den

nai raushni se faza jagmagaen

nae saz par ab nae git gaen