aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

nazm

Ahmad Rahi

nazm

Ahmad Rahi

MORE BYAhmad Rahi

    bahut zarūrī baat ik tum se karnā thī

    lekin tum ko jaldī bahut thī jaane

    kahnā ye thā ham to mashriq maġhrib haiñ

    mere haañ to koī drawing-rōm nahīñ

    koī bairā na koī baTlar na koī māmāñ-shāmāñ

    koī garage na koī car koī driver na ḳhānsāmāñ

    ek kamra hai jo merī study bhī hai bedrōm bhī hai aur

    drawing-rōm bhī merā

    maiñ ik kamre meñ rahtā huuñ

    apne andar rahtā huuñ

    apne andar rah kar bhī maiñ ik duniyā meñ rahtā huuñ

    jabhī kahā thā ham to mashriq maġhrib haiñ

    mashriq maġhrib meñ jo farq hai

    ye vo ġhulām jāneñ

    do Dhaa.ī sau saal ġhulāmī jo beḌiyāñ

    kāTte kāTte qabroñ meñ so.e

    haa.e allāh un jaisā bad-qismat koī aur yahāñ

    na hue

    achchhā kiyā tum chalī ga.iiñ

    merī bātoñ meñ kuchh talḳhī aa ga.ī hai

    tere aabā ne mere aabā par jo zulm kiyā hai

    vo to merī maañ ke duudh ne mujhe virāsat

    meñ baḳhshā hai

    bahut zaruri baat ek tum se karna thi

    lekin tum ko jaldi bahut thi jaane ki

    kahna ye tha hum to mashriq maghrib hain

    mere han to koi drawing-room nahin

    koi baira na koi baTlar na koi maman-shaman

    koi garage na koi car koi driwer na KHansaman

    ek hi kamra hai jo meri study bhi hai bedroom bhi hai aur

    drawing-room bhi mera

    main ek kamre mein rahta hun

    apne andar rahta hun

    apne andar rah kar bhi main ek duniya mein rahta hun

    jabhi kaha tha hum to mashriq maghrib hain

    mashriq maghrib mein jo farq hai

    ye wo ghulam hi jaanen

    do Dhai sau sal ghulami ki jo beDiyan

    kaTte kaTte qabron mein ja soe

    hae allah un jaisa bad-qismat koi aur yahan

    na hue

    achchha kiya tum chali gain

    meri baaton mein kuchh talKHi aa gai hai

    tere aaba ne mere aaba par jo zulm kiya hai

    wo to meri man ke dudh ne mujhe wirasat

    mein baKHsha hai

    Source:

    Rag-e-jan (Pg. 69)

    • Author: Ahmad Rahi
      • Edition: 2005
      • Publisher: Al-Hamd Publication
      • Year of Publication: 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now