nazm

donoñ jānib paanī dīvāreñ

sāmne dhartī kā vo TukḌā

jis kā vā'da us ne kiyā thā

ik dastāvez

apne vā'de kī us ne patthar kī taḳhtī par likh

dī thī

jab ham pahuñche is dhartī par

ik anjān zamīñ

anjān falak thā

log vahāñ jo baste the

ham se ūñche the

jism pe un ke khaal nahīñ thī

nāḳhun jaisī chiknī chamkīlī ik shai thī

vo bole

ham sab aadam haiñ

tum us qaum ke fard ho shāyad

jis kā zikr hamāre paiġhambar karte the

donon jaanib pani diwaren

samne dharti ka wo TukDa

jis ka wa'da us ne kiya tha

ek dastawez

apne wa'de ki us ne patthar ki taKHti par likh

di thi

jab hum pahunche is dharti par

ek anjaan zamin

anjaan falak tha

log wahan jo baste the

hum se unche the

jism pe un ke khaal nahin thi

naKHun jaisi chikni chamkili ek shai thi

wo bole

hum sab aadam hain

tum us qaum ke fard ho shayad

jis ka zikr hamare paighambar karte the