nazm

dair vīrāñ hai haram hai be-ḳharosh

barhaman chup hai muazzin hai ḳhamosh

soz hai ashlok meñ baaqī na saaz

ab vo ḳhutbe meñ na hiddat hai na josh

ho ga.ī be-sūd talqīn-e-savāb

ab dilā.eñ bhī to kyā ḳhauf-e-azāb

ab harīf-e-shaiḳh koī bhī nahīñ

ḳhatm hai har ek mauzū-e-ḳhitāb

aaj maddham sī hai āvāz-e-darūd

aaj jaltā hī nahīñ mandir meñ uud

kyā qayāmat hai yakāyak ho gayā

mahfil-e-zohhād par taarī jumūd

rabb-e-bar-haq ḳhāliq-e-ālī janāb

ho ga.e apne mission meñ kāmyāb

silsila rushd-o-hidāyat kā hai ḳhatm

āsmāñ se ab na utregī kitāb

mar gayā ai vaa.e shaitāñ mar gayā

dair viran hai haram hai be-KHarosh

barhaman chup hai muazzin hai KHamosh

soz hai ashlok mein baqi na saz

ab wo KHutbe mein na hiddat hai na josh

ho gai be-sud talqin-e-sawab

ab dilaen bhi to kya KHauf-e-azab

ab harif-e-shaiKH koi bhi nahin

KHatm hai har ek mauzu-e-KHitab

aaj maddham si hai aawaz-e-darud

aaj jalta hi nahin mandir mein ud

kya qayamat hai yakayak ho gaya

mahfil-e-zohhad par tari jumud

rabb-e-bar-haq KHaliq-e-ali janab

ho gae apne mission mein kaamyab

silsila rushd-o-hidayat ka hai KHatm

aasman se ab na utregi kitab

mar gaya ai wae shaitan mar gaya