nazm

mile kachehrī meñ ik roz shaiḳh ḳhairātī

hai ik zamāne se un kī mirī alaik salaik

nahīñ hai jhūTī gavāhī se ijtināb unheñ

kiyā na aaj tak is par magar kisī ne attack

alāva is ke amīroñ ke haiñ ye supplier

ki maal karte haiñ ye un kī hasb-e-manshā paik

ho jis meñ fā.eda vo kaam kar guzarte haiñ

kabhī front meñ jā kar nahīñ haiñ hote back

hijāz jaate haiñ har saal sonā laane ko

ye business aaj tak in kī kabhī huī na salaik

ye haj ke din bhī haiñ labbaik ke evaz kahte

ḳhudā ke ghar meñ faqat rabbanā black black

mile kachehri mein ek roz shaiKH KHairaati

hai ek zamane se un ki meri alaik salaik

nahin hai jhuTi gawahi se ijtinab unhen

kiya na aaj tak is par magar kisi ne attack

alawa is ke amiron ke hain ye supplier

ki mal karte hain ye un ki hasb-e-mansha paik

ho jis mein faeda wo kaam kar guzarte hain

kabhi front mein ja kar nahin hain hote back

hijaz jate hain har sal sona lane ko

ye business aaj tak in ki kabhi hui na salaik

ye haj ke din bhi hain labbaik ke ewaz kahte

KHuda ke ghar mein faqat rabbana black black