nazm

mere dukhoñ kī guuñj

tumhārī āvāz se surīlī hai

tumhārī goyā.ī ab lauTī hai

jab man ke saaz sajā.e the maiñ ne

ki tum bolo to dhun ban jaa.e

zindagī ek giit ban jaa.e

tum taġhāful meñ paḌe rahe

tumhārī āvāz kī aarzū meñ

maiñ ne abhī tak

apne safar kā āġhāz nahīñ kiyā

lekin be-shumār dukh

merī jaan se guzarte rahe

raqs karte rahe

aur vo dard bhī jo merī hamshīra ne

zab.h hote hue

merī ā.ankhoñ meñ rakh diyā thā

jab se

dukh jī rahī huuñ

maiñ tumhāre mansūbe kyā

ḳhvāb bhī nahīñ jī saktī

mere dukhon ki gunj

tumhaari aawaz se surili hai

tumhaari goyai ab lauTi hai

jab man ke saz sajae the main ne

ki tum bolo to dhun ban jae

zindagi ek git ban jae

tum taghaful mein paDe rahe

tumhaari aawaz ki aarzu mein

main ne abhi tak

apne safar ka aaghaz nahin kiya

lekin be-shumar dukh

meri jaan se guzarte rahe

raqs karte rahe

aur wo dard bhi jo meri hamshira ne

zabh hote hue

meri aaankhon mein rakh diya tha

jab se

dukh ji rahi hun

main tumhaare mansube kya

KHwab bhi nahin ji sakti