Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

nazm

MORE BYTahzeeb Hafi

    Interesting Fact

    A Nazm dedicated to celebrated Indian actress Swara Bhaskar.

    tire puure badan par ik muqaddas aag pahra hai

    jo terī taraf baḌhte hue hāthoñ ke nāḳhun rok letā hai

    tire hoñToñ se nikle saañs ḳhushbū

    dar-o-dīvār se rasta banā kar saare barr-e-'āzamoñ meñ phail saktī hai

    tirī bāñheñ abad ko jaane vaalī shāhrāheñ haiñ

    tirī dā.īñ hathelī lakīreñ dūsrī duniyāoñ ke naqshe haiñ jo in munshiyoñ ke bas se bāhar haiñ

    tirī āñkheñ nahīñ ye devtāoñ panah-gāheñ haiñ

    jin meñ vaqt jaise zahr tiryāq hai

    tirī zulfoñ vus'at is jahāñ intihāoñ se pare tak hai

    tirī gardan kisī jannat ke pākīza daraḳhtoñ ke tane ko dekh kar tarshī ga.ī hai

    hamāre jism par se terī parchhā.ī guzar jaa.e

    to mumkin hai ki ham is maut jaise ḳhauf se āzād ho jaa.eñ

    hamāre paas aisā kyā hai jo tujh ko batā kar ham tujhe qaa.il kareñ

    bas itnā hai ki apne lafz barsā kar tirī chhatrī pe bārish pheñk deñge

    tire chehre pe apnī nazm ik satr se chhāñv kareñge

    dhuup de deñge

    magar kyā fā.eda is ki mausam ḳhud tire jūtoñ ke tasmoñ se bañdhe haiñ

    tire hamrāh chalne koī ḳhvāhish agar dil meñ kabhī thī bhī

    to ham ne tark kar hai

    ham is laa.iq nahīñ haiñ

    hameñ mā'lūm hai ki agle vaqtoñ meñ ye log

    tire pairoñ ke sāñchoñ se na.ī samtoñ ke andāze lagā.eñge

    tere pure badan par ek muqaddas aag ka pahra hai

    jo teri taraf baDhte hue hathon ke naKHun rok leta hai

    tere honTon se nikle sans ki KHushbu

    dar-o-diwar se rasta bana kar sare barr-e-'azamon mein phail sakti hai

    teri banhen abad ko jaane wali shahrahen hain

    teri dain hatheli ki lakiren dusri duniyaon ke naqshe hain jo in munshiyon ke bas se bahar hain

    teri aankhen nahin ye dewtaon ki panah-gahen hain

    jin mein waqt jaise zahr ka tiryaq hai

    teri zulfon ki wus'at is jahan ki intihaon se pare tak hai

    teri gardan kisi jannat ke pakiza daraKHton ke tane ko dekh kar tarshi gai hai

    hamare jism par se teri parchhai guzar jae

    to mumkin hai ki hum is maut jaise KHauf se aazad ho jaen

    hamare pas aisa kya hai jo tujh ko bata kar hum tujhe qail karen

    bas itna hai ki apne lafz barsa kar teri chhatri pe barish phenk denge

    ya tere chehre pe apni nazm ki ek satr se chhanw karenge

    dhup de denge

    magar kya faeda is ka ki mausam KHud tere juton ke tasmon se bandhe hain

    tere hamrah chalne ki koi KHwahish agar dil mein kabhi thi bhi

    to hum ne tark kar di hai

    hum is laiq nahin hain

    hamein ma'lum hai ki agle waqton mein ye log

    tere pairon ke sanchon se nai samton ke andaze lagaenge

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now