nazm

tirī talab kā sabab sirf ḳhālī-pan to nahīñ

ki tujh se rābta merā zarūratan to nahīñ

maiñ DhūñDhtā thā shajar āsmāñ ke hote hue

tire firāq meñ thā do jahāñ ke hote hue

jab āshnā thī mohabbat kī har galī mujh se

maiñ zindagī se bahut ḳhush thā zindagī mujh se

jab ehtirām kiyā kartī thī sabā merā

bahār khoj liyā kartī thī pata merā

jab āñsuoñ ko mayassar hazār shāne the

jab intizār na karne ke sau bahāne the

tirī umiid se dil be-qarār tab bhī thā

yaqīn kar ki tirā intizār tab bhī thā

teri talab ka sabab sirf KHali-pan to nahin

ki tujh se rabta mera zaruratan to nahin

main DhunDhta tha shajar aasman ke hote hue

tere firaq mein tha do jahan ke hote hue

jab aashna thi mohabbat ki har gali mujh se

main zindagi se bahut KHush tha zindagi mujh se

jab ehtiram kiya karti thi saba mera

bahaar khoj liya karti thi pata mera

jab aansuon ko mayassar hazar shane the

jab intizar na karne ke sau bahane the

teri umid se dil be-qarar tab bhi tha

yaqin kar ki tera intizar tab bhi tha