nazm

ik sub.h jab bahār thī kamre meñ mez pe

phūloñ ke rañg chaa.e kī ḳhushbū se tez the

khiḌkī se aa rahī thī kisī giit kī sadā

Thahrī huī thī niiñd meñ Duubī huī havā

rakkhe hue the takiye ke nīche tumhāre ḳhvāb

panchhī abhī uḌe na the shāḳhoñ pe bol ke

dekhā na thā kisī ne bhī aḳhbār khol ke

jis meñ tumhāre baare meñ koī ḳhabar na thī

tum duur ik naddī ke kināre ke paas thiiñ

vaadī meñ ek sabz sitāre ke paas thiiñ

ek subh jab bahaar thi kamre mein mez pe

phulon ke rang chae ki KHushbu se tez the

khiDki se aa rahi thi kisi git ki sada

Thahri hui thi nind mein Dubi hui hawa

rakkhe hue the takiye ke niche tumhaare KHwab

panchhi abhi uDe na the shaKHon pe bol ke

dekha na tha kisi ne bhi aKHbar khol ke

jis mein tumhaare bare mein koi KHabar na thi

tum dur ek naddi ke kinare ke pas thin

wadi mein ek sabz sitare ke pas thin