nazr-e-ghaalib

kaif-e-jāñ nūr-e-basar yaad aayā

arsa-e-harf-o-hunar yaad aayā

dasht-e-imkān kī pahnā.ī meñ

ḳhaak bar-sar the ki ghar yaad aayā

luTte luTte bhī dil-e-mahzūñ ko

dard kā raḳht-e-safar yaad aayā

jab gañvā aa.e matā-e-hastī

tab hameñ jaañ kā zarar yaad aayā

bazm-e-jānāñ hī sahī bazm-e-ḳhayāl

dil kā sannāTā magar yaad aayā

shab-e-mahjūrī meñ hañgām-e-nazā.a

matl-e-nūr-e-sahar yaad aayā

phir bujhā diip koī palkoñ par

phir mujhe dīda-e-tar yaad aayā

kaun māñge hai shabistān-e-visāl

bas ik āshufta-nazar yaad aayā

phir huā dil meñ ḳhayāloñ kā hujūm

phir hameñ silk-e-guhar yaad aayā

kaif-e-jaan nur-e-basar yaad aaya

arsa-e-harf-o-hunar yaad aaya

dasht-e-imkan ki pahnai mein

KHak bar-sar the ki ghar yaad aaya

luTte luTte bhi dil-e-mahzun ko

dard ka raKHt-e-safar yaad aaya

jab ganwa aae mata-e-hasti

tab hamein jaan ka zarar yaad aaya

bazm-e-jaanan hi sahi bazm-e-KHayal

dil ka sannaTa magar yaad aaya

shab-e-mahjuri mein hangam-e-nazaa

matl-e-nur-e-sahar yaad aaya

phir bujha dip koi palkon par

phir mujhe dida-e-tar yaad aaya

kaun mange hai shabistan-e-visal

bas ek aashufta-nazar yaad aaya

phir hua dil mein KHayalon ka hujum

phir hamein silk-e-guhar yaad aaya