nelson mandela

Ambar Bahraichi

nelson mandela

Ambar Bahraichi

MORE BYAmbar Bahraichi

    ye barr-e-āzam saarī balā.eñ

    sunā hai ki ab muntashir ho rahī haiñ

    falak-bos tahzīb ke cactus jhoñpaḌoñ rivāyāt ko Das rahe haiñ

    magar

    kam nahīñ ye ki apnī zamīñ aur apnī fazā meñ

    siyah paikaroñ do-dhārī anā aur aahan irādoñ ne

    apne liye ab na.e tevaroñ ke ujāle tarāshe

    añdherī zamīnoñ se mere nikāle

    ḳhat-e-ustuvā ke ghane jañgaloñ amal-dāriyoñ meñ haiñ dīpak jalā.e

    qabīloñ har bāhamī jañg ko shāḳh-e-zaitūn ke zamzame haiñ sunā.e

    dahakte hue reg-zāroñ ke nīche

    siyah zar ke chashmoñ ko mahmez hai

    ye tahrīk ye inqalāb saare

    nelson madela

    tumhārī ragoñ meñ nayā ḳhuuñ shab-o-roz pahuñchā rahe haiñ

    tumhārī hathelī ko sūraj meñ tabdīl karne lage haiñ

    tumhārī nazar meñ bhare manzaroñ dhanak bo rahe haiñ

    salāḳhoñ ke pīchhe akele nahīñ tum

    siyah barr-e-āzam tumhārī jilau meñ

    nahīñ

    saarī duniyā tumhārī jilau meñ

    ye barr-e-azam ki sari balaen

    suna hai ki ab muntashir ho rahi hain

    falak-bos tahzib ke cactus jhonpaDon ki riwayat ko Das rahe hain

    magar

    kam nahin ye ki apni zamin aur apni faza mein

    siyah paikaron ki do-dhaari ana aur aahan iradon ne

    apne liye ab nae tewaron ke ujale tarashe

    andheri zaminon se mere nikale

    KHat-e-ustuwa ke ghane jangalon ki amal-dariyon mein hain dipak jalae

    qabilon ki har bahami jang ko shaKH-e-zaitun ke zamzame hain sunae

    dahakte hue reg-zaron ke niche

    siyah zar ke chashmon ko mahmez di hai

    ye tahrik ye inqalab sare

    nelson madela

    tumhaari ragon mein naya KHun shab-o-roz pahuncha rahe hain

    tumhaari hatheli ko suraj mein tabdil karne lage hain

    tumhaari nazar mein bhare manzaron ki dhanak bo rahe hain

    salaKHon ke pichhe akele nahin tum

    siyah barr-e-azam tumhaari jilau mein

    nahin

    sari duniya tumhaari jilau mein

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY