nili lakir
azal se tum bah rahe ho sindhū
qarīb aao
hameñ sunāo vo saare qisse jo tum pe biite haiñ is safar meñ
anāj-ghar meñ
tumhārī zarḳheziyoñ kī chādar bichhī huī hai
junūb kī samt bahne vaale mahān sindhū
tumheñ mubārak shumāl kī barf kā pighalnā
tumhāre tahzīb-yāfta kināre abad ko āvāz de rahe haiñ
hamāre mallāh aur machhere tumhārī chāhat meñ naġhma-gar haiñ
zamīñ ke naqshe pe ek niilī lakīr jo muskurā rahī hai
visāl kā giit gā rahī hai
azal se tum bah rahe ho sindhu
qarib aao
hamein sunao wo sare qisse jo tum pe bite hain is safar mein
anaj-ghar mein
tumhaari zarKHeziyon ki chadar bichhi hui hai
junub ki samt bahne wale mahan sindhu
tumhein mubarak shumal ki barf ka pighalna
tumhaare tahzib-yafta kinare abad ko aawaz de rahe hain
hamare mallah aur machhere tumhaari chahat mein naghma-gar hain
zamin ke naqshe pe ek nili lakir jo muskura rahi hai
visal ka git ga rahi hai
- Book : Mitti Ki Sundarta Dekho (Pg. 124)
- Author : Sarvat Husain
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
