nim-libasi ka nauha

Zahid Imroz

nim-libasi ka nauha

Zahid Imroz

MORE BYZahid Imroz

    tumhārī mohabbat ko zindagī dene ke liye

    maiñ ne to apne saare but toḌ liye

    magar tum ne javāban

    apne kaabe par ġhilāf chaḌhā liyā

    faqat tavāf se merī tashaffī nahīñ ho saktī

    maiñ kaise tumhāre andar jhāñkūñ

    bebasī ne mujhe meñDak banā diyā hai

    maiñ apnī zaat ke kueñ meñ paḌā huuñ

    aur ḳhvāhish mere ḳhuun meñ

    rassī tarah laTak rahī hai

    maiñ kapḌoñ meñ bhī fuhash kahlāyā

    to libās merī qaid kyuuñ hai

    mujhe rañgat nahīñ ehsās darkār hai

    kyūñki āñkhoñ se ziyāda mere haath pyāse haiñ

    lāzmī nahīñ sirf aañkh se royā jaa.e

    aur rone ke liye behtarīn jagah

    washrōm ho saktī hai

    jahāñ meñ apnī nīm-libāsī thuuk kar

    tumhāre naam ġhusl kar saktā huuñ

    tumhaari mohabbat ko zindagi dene ke liye

    main ne to apne sare but toD liye

    magar tum ne jawaban

    apne kabe par ghilaf chaDha liya

    faqat tawaf se meri tashaffi nahin ho sakti

    main kaise tumhaare andar jhankun

    bebasi ne mujhe meinDak bana diya hai

    main apni zat ke kuen mein paDa hun

    aur KHwahish mere KHun mein

    rassi ki tarah laTak rahi hai

    main kapDon mein bhi fuhash kahlaya

    to libas meri qaid kyun hai

    mujhe rangat nahin ehsas darkar hai

    kyunki aankhon se ziyaada mere hath pyase hain

    lazmi nahin sirf aankh se roya jae

    aur rone ke liye behtarin jagah

    washroom hi ho sakti hai

    jahan mein apni nim-libasi thuk kar

    tumhaare nam ka ghusl kar sakta hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY