nind ka pher

merī āñkhoñ ne

na.e na.e ḳhvāboñ ko to dāvat de dī hai

so apne hāthoñ ko phir se jumbish dūñgā

jin par aa kar TuuT chuke haiñ

nā jaane kitne hī hubāb

niiñd ke pher ne kyā kar Daalā

jāgtī āñkhoñ se maiñ ab ye soch rahā huuñ

kyā hogā jab palkoñ par mehmān ā.eñge

mere paas sivā.e

vahī purāne ḳhvāboñ kī rūkhī sūkhī ta.abīroñ ke kyā rakkhā hai

meri aankhon ne

nae nae KHwabon ko to dawat de di hai

so apne hathon ko phir se jumbish dunga

jin par aa kar TuT chuke hain

na jaane kitne hi hubab

nind ke pher ne kya kar Dala

jagti aankhon se main ab ye soch raha hun

kya hoga jab palkon par mehman aaenge

mere pas siwae

wahi purane KHwabon ki rukhi sukhi tabiron ke kya rakkha hai