nizam-e-shamsi

Shahnaz Nabi

nizam-e-shamsi

Shahnaz Nabi

MORE BYShahnaz Nabi

    us ne apne safed papoTe jhapkā.e

    maTyālī āñkhoñ se puure āsmān ko taakā

    aur sūraj ko god meñ bhar kar bolā

    baḌī aag hai tujh meñ

    chal tujhe qutub-shumālī meñ dafn karte haiñ

    chhoTe chhoTe sayyāroñ bhī apnī zindagī hotī hai

    unheñ apne apne kurre par ghūmne de

    kis meñ paanī hai

    kis meñ havā

    ye dekhnā terā kaam nahīñ

    apne sayyāre pe zindagī alāmateñ DhūñDhnā

    talāsh pahlā nukta hai

    terī duurī farhat-baḳhsh hai

    qurbat andoh-gīñ

    tujhe god meñ le kar merī āġhosh meñ chhāle paḌ ga.e

    taḳhlīq ke pahle marhale meñ

    nizām-e-shamsī tartīb dete hue

    tujhe markaz meñ rahne denā merī bhuul to nahīñ

    us ne apne safed papoTe jhapkae

    maTyali aankhon se pure aasman ko taka

    aur suraj ko god mein bhar kar bola

    baDi aag hai tujh mein

    chal tujhe qutub-shumali mein dafn karte hain

    chhoTe chhoTe sayyaron ki bhi apni zindagi hoti hai

    unhen apne apne kurre par ghumne de

    kis mein pani hai

    kis mein hawa

    ye dekhna tera kaam nahin

    apne sayyare pe zindagi ki alamaten DhunDhna

    talash ka pahla nukta hai

    teri duri farhat-baKHsh hai

    qurbat andoh-gin

    tujhe god mein le kar meri aaghosh mein chhaale paD gae

    taKHliq ke pahle marhale mein

    nizam-e-shamsi tartib dete hue

    tujhe markaz mein rahne dena meri bhul to nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY