nok-jhonk

bhaa.ī

mujh se har dam laḌtī ho

ek kī sau sau jaḌtī ho

apnī zaat ko bhūlī ho

tum to bilkul muulī ho

bahan

maiñ ye baat nahīñ bhūlī

hāzim hotī hai muulī

bhaa.ī ho yā dushman ho

tum thālī ke beñgan ho

bhaa.ī

beñgan achchhā hai bahnā

be-gun is ko mat kahnā

tum ho aafat chhoTī sī

tum ho bhinDī moTī sī

bahan

bhinDī kī kyā baat hai jī

ūñchī is kī zaat hai jī

tum sabzī ke ḳhālū ho

ik duble se aalū ho

bhaa.ī

sab khānoñ kā khājā hai

aalū sab kā raajā hai

merī sister ho tum bhī

moTī gājar ho tum bhī

bahan

gājar sehat detī hai

dil ko tāqat detī hai

mīThā halva gājar kā

tum ho ruup TamāTar kā

bhaa.ī

jo bhī TamāTar khātā hai

apnī jaan banātā hai

is kā ras jo piite haiñ

tagḌe ho kar jiite haiñ

bahan

ḳhatm karo khaTpaT saarī

achchhī hai har tarkārī

band ye saarā khel kareñ

aao ham tum shukr kareñ

bhai

mujh se har dam laDti ho

ek ki sau sau jaDti ho

apni zat ko bhuli ho

tum to bilkul muli ho

bahan

main ye baat nahin bhuli

hazim hoti hai muli

bhai ho ya dushman ho

tum thaali ke bengan ho

bhai

bengan achchha hai bahna

be-gun is ko mat kahna

tum ho aafat chhoTi si

tum ho bhinDi moTi si

bahan

bhinDi ki kya baat hai ji

unchi is ki zat hai ji

tum sabzi ke KHalu ho

ek duble se aalu ho

bhai

sab khanon ka khaja hai

aalu sab ka raja hai

meri sister ho tum bhi

moTi gajar ho tum bhi

bahan

gajar sehat deti hai

dil ko taqat deti hai

miTha halwa gajar ka

tum ho rup TamaTar ka

bhai

jo bhi TamaTar khata hai

apni jaan banata hai

is ka ras jo pite hain

tagDe ho kar jite hain

bahan

KHatm karo khaTpaT sari

achchhi hai har tarkari

band ye sara khel karen

aao hum tum shukr karen