numaish-e-aligarh

Shakeel Badayuni

numaish-e-aligarh

Shakeel Badayuni

MORE BYShakeel Badayuni

    shafaq naza.a meñ le rahī thī sambhālā

    añdhere ġham khā rahā thā ujālā

    sitāroñ ke ruḳh se naqāb uTh rahī thī

    fazāoñ se mauj-e-shabāb uTh rahī thī

    mai-e-zindagī jām-e-mai-nosh meñ thī

    vo kaif-e-masarrat, vo lamhāt-e-rañgīñ

    vo ehsās-e-mastī vo jazbāt-e-rañgīñ

    vo pur-kaif aalam vo dilkash nazāre

    vo jalvoñ ke bahte hue ḳhushk dhāre

    vo namkīn āġhāz-e-shab allāh allāh

    numā.ish vo tāb-o-tab allāh allāh

    vo bāb-e-muzammil pe jashn-e-charāġhāñ

    falak par hoñ jaise sitāre daraḳhshāñ

    fazāoñ meñ gūñje hue vo tarāne

    vo jāñ-baḳhsh naġhme vo pur-lutf gaane

    vo har samt husn-o-latāfat jāneñ

    vo ārāsta saaf suthrī dukāneñ

    kahīñ par hai nazzāra kārīgarī

    kahīñ garm hotel hai peshāvarī

    ba-qadr-e-sukūñ vo diloñ bahalnā

    amīroñ ġharīboñ yakjā Tahalnā

    numāyāñ numāyāñ vo yārān-e-college

    vo ishrat-ba-dāmāñ javānān-e-college

    koī tez-dastī o chustī pe nāzāñ

    koī sehhat o tandurustī pe nāzāñ

    koī husn jalva-rezī pe maa.il

    koī shoḳh nazroñ tezī pe maa.il

    idhar chashm-e-hairāñ nazzāra-sāzī

    udhar husn vaalo jalva-tarāzī

    ḳhirāmāñ ḳhirāmāñ vo ham-joliyoñ meñ

    nikaltī huī muḳhtalif Toliyoñ meñ

    naqāboñ meñ vo be-naqābī aalam

    jo laatā hai dil par ḳharābī aalam

    kisī vo chehre se āñchal uThānā

    kisī kisī se nigāheñ churānā

    kabhī yak-ba-yak chalte chalte Thaharnā

    nigāhoñ se jalvoñ islāh karnā

    kabhī ik tavajjoh dukānoñ jānib

    kabhī ik nazar naujavānoñ jānib

    tamāshā ġharaz kāmyāb aa rahā thā

    numā.ish pe goyā shabāb aa rahā thā

    idhar ham bhī bazm-e-taḳhayyul sajā kar

    khaḌe ho ga.e ek dukkāñ pe aa kar

    nazar mil ga.ī daf.atan ik nazar se

    dhaḌakne lagā dil mohabbat ke Dar se

    idhar to nazar se jabīñ-sā.iyāñ thiiñ

    udhar se bhī kuchh himmat-afzā.iyāñ thiiñ

    ḳhalish dil donoñ ko taḌpā ga.ī thī

    mohabbat manzil qarīb aa ga.ī thī

    ḳhayālāt meñ is taraf ik talātum

    laboñ par udhar halkā halkā tabassum

    nigāhoñ se ahd-e-vafā ho rahā thā

    ishāroñ se matlab adā ho rahā thā

    idhar ishq ke bām-o-dar saj rahe the

    ghaḌī meñ jo dekhā to nau baj rahe the

    yakāyak javāñ kuchh mire paas aa.e

    jo the āstīnoñ pe bille lagā.e

    kahā itnī taklīf farmā.iyegā

    numā.ish se tashrīf le jā.iyegā

    ġharaz chal diye ghar ko majbūr ho kar

    mohabbat ke jalvoñ se ma.amūr ho kar

    hui jaarī rahī thī ajab hālat-e-dil

    koī chhīn le jaise paḌhte meñ novel

    ham is tarah bāb-e-muzammil se nikle

    lahū jaise TuuTe hue dil se nikle

    bahar-e-hāl ab bhī vahī hai numā.ish

    naved-e-tarab de rahī hai numā.ish

    vahī jashn hai aur vahī zindagī hai

    magar jaise har shai meñ koī kamī hai

    are o nigāhoñ pe chhā jaane vaalī

    mire dil ko rah rah ke yaad aane vaalī

    tirī tarah jalva-numā hai numā.ish

    tire husn aa.inā hai numā.ish

    numā.ish meñ terī latāfat hai pinhāñ

    numā.ish meñ terī nazākat hai pinhāñ

    nigāhoñ ko nāhaq tirī justujū hai

    yaqīnan numā.ish ke parde meñ hai

    shafaq naza mein le rahi thi sambhaala

    andhere ka gham kha raha tha ujala

    sitaron ke ruKH se naqab uTh rahi thi

    fazaon se mauj-e-shabab uTh rahi thi

    mai-e-zindagi jam-e-mai-nosh mein thi

    wo kaif-e-masarrat, wo lamhat-e-rangin

    wo ehsas-e-masti wo jazbaat-e-rangin

    wo pur-kaif aalam wo dilkash nazare

    wo jalwon ke bahte hue KHushk dhaare

    wo namkin aaghaz-e-shab allah allah

    numaish ki wo tab-o-tab allah allah

    wo bab-e-muzammil pe jashn-e-charaghan

    falak par hon jaise sitare daraKHshan

    fazaon mein gunje hue wo tarane

    wo jaan-baKHsh naghme wo pur-lutf gane

    wo har samt husn-o-latafat ki jaanen

    wo aarasta saf suthri dukanen

    kahin par hai nazzara karigari ka

    kahin garm hotel hai peshawari ka

    ba-qadr-e-sukun wo dilon ka bahalna

    amiron gharibon ka yakja Tahalna

    numayan numayan wo yaran-e-college

    wo ishrat-ba-daman jawanan-e-college

    koi tez-dasti o chusti pe nazan

    koi sehhat o tandurusti pe nazan

    koi husn ki jalwa-rezi pe mail

    koi shoKH nazron ki tezi pe mail

    idhar chashm-e-hairan ki nazzara-sazi

    udhar husn walo ki jalwa-taraazi

    KHiraman KHiraman wo ham-joliyon mein

    nikalti hui muKHtalif Toliyon mein

    naqabon mein wo be-naqabi ka aalam

    jo lata hai dil par KHarabi ka aalam

    kisi ka wo chehre se aanchal uThana

    kisi ka kisi se nigahen churana

    kabhi yak-ba-yak chalte chalte Thaharna

    nigahon se jalwon ki islah karna

    kabhi ek tawajjoh dukanon ki jaanib

    kabhi ek nazar naujawanon ki jaanib

    tamasha gharaz kaamyab aa raha tha

    numaish pe goya shabab aa raha tha

    idhar hum bhi bazm-e-taKHayyul saja kar

    khaDe ho gae ek dukkan pe aa kar

    nazar mil gai dafatan ek nazar se

    dhaDakne laga dil mohabbat ke Dar se

    idhar to nazar se jabin-saiyan thin

    udhar se bhi kuchh himmat-afzaiyan thin

    KHalish dil ki donon ko taDpa gai thi

    mohabbat ki manzil qarib aa gai thi

    KHayalat mein is taraf ek talatum

    labon par udhar halka halka tabassum

    nigahon se ahd-e-wafa ho raha tha

    ishaaron se matlab ada ho raha tha

    idhar ishq ke baam-o-dar saj rahe the

    ghaDi mein jo dekha to nau baj rahe the

    yakayak jawan kuchh mere pas aae

    jo the aastinon pe bille lagae

    kaha itni taklif farmaiyega

    numaish se tashrif le jaiyega

    gharaz chal diye ghar ko majbur ho kar

    mohabbat ke jalwon se mamur ho kar

    hui jari rahi thi ajab haalat-e-dil

    koi chhin le jaise paDhte mein nowel

    hum is tarah bab-e-muzammil se nikle

    lahu jaise TuTe hue dil se nikle

    bahar-e-haal ab bhi wahi hai numaish

    nawed-e-tarab de rahi hai numaish

    wahi jashn hai aur wahi zindagi hai

    magar jaise har shai mein koi kami hai

    are o nigahon pe chha jaane wali

    mere dil ko rah rah ke yaad aane wali

    teri tarah jalwa-numa hai numaish

    tere husn ka aaina hai numaish

    numaish mein teri latafat hai pinhan

    numaish mein teri nazakat hai pinhan

    nigahon ko nahaq teri justuju hai

    yaqinan numaish ke parde mein tu hai

    Source :
    • Book : Kulliyat Shakeel (Pg. 299)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY