nusKHe

agar tere me.ade meñ hai kuchh girānī

to lemū kā ras pī le adrak kā paanī

agar daañt ke dard se tū hai bekal

to sarsoñ kā tel aur sendhā namak mal

thakan se agar tere a.azā haiñ Dhīle

to thoḌā sā tū gungunā duudh pī le

gale meñ ḳharābī hai nazle ke maare

to namkīn paanī ke kar le ġharāre

agar ḳhuuñ hai kam aur balġham ziyāda

to gājar bhī khā aur shaljam ziyāda

jigar hī ke dam se hai insān jiitā

jigar kā maraz hai to khā le papītā

agar zehn kamzor rahtā hai aksar

to khā shahd ke saath bādām ghis kar

agar tujh ko ehsās hai zo.af-e-dil kā

to har roz le āñvle kā murabba

agar tere meade mein hai kuchh girani

to lemu ka ras pi le adrak ka pani

agar dant ke dard se tu hai bekal

to sarson ka tel aur sendha namak mal

thakan se agar tere aaza hain Dhile

to thoDa sa tu gunguna dudh pi le

gale mein KHarabi hai nazle ke mare

to namkin pani ke kar le gharare

agar KHun hai kam aur balgham ziyaada

to gajar bhi kha aur shaljam ziyaada

jigar hi ke dam se hai insan jita

jigar ka maraz hai to kha le papita

agar zehn kamzor rahta hai aksar

to kha shahd ke sath baadam ghis kar

agar tujh ko ehsas hai zoaf-e-dil ka

to har roz le aanwle ka murabba