open heart surgery

pahlī āvāz ġhussailī garajtī

dekhiyo mat kholiyo is vish bhare muuzī kā muñh

dekhiyo in rāstoñ meñ jal bujhegī raushnī

āsmāñ ke jism uude jism se risne lagegī piip bhī

dūsrī āvāz Darte hue sargoshī

us kī dhaḌkan hī se chaltī hai zamāñ kī nabz

pahlī āvāz ġhussailī garajtī

aur terī zabāñ chup

zamharīrī saañs us kī asr-e-yaḳhbandān le aa.egī getī par

mat kholiyo

mat kholiyo

dekhne ko merā siina hai dar-asl us kī kachhār

jis kī Dhalvānoñ ke daldal lothaḌe haiñ ḳhuun ke

jis pe ug aa.iiñ haiñ ḳhud-rau jhāḌiyāñ kuchh saañs kī

ghaat meñ aa jā.egā us pret ke

baagh ke sar saañp ke dhaḌ vaalā ye ifrīt

khob degā daañt gardan meñ tirī

dekhiyo mat kholiyo

mat kholiyo is vish bhare muuzī kā muñh

azhdar kā muñh

ajgar kā muñh

af.ī kā muñh

is vish bhare muuzī kā muñh

ye rageñ

duur tak phailī huī

barzaḳh talak phailī huī jaḌ

gaḌ na jaa.eñ tujh meñ bhī

ye surḳh saañp us kīna-var kī dum haiñ

khā saktī haiñ sab duniyā kā sabz

dekhiyo ye bhuut ādam-ḳhor hai

saañs letā har manush khā jā.egā

mat kholiyo

mat kholiyo is vish bhare muuzī kā muñh

is ḳhabīs āzārda ko marne de

is jhaḌūs īzā-rasāñ ko marne de

is ke mar jaane meñ insāñ kā bhalā

is ke mar jaane meñ yazdāñ kā bhalā

pahli aawaz ghussaili garajti

dekhiyo mat kholiyo is wish bhare muzi ka munh

dekhiyo in raston mein jal bujhegi raushni

aasman ke jism ude jism se risne lagegi pip bhi

dusri aawaz Darte hue sargoshi

us ki dhaDkan hi se chalti hai zaman ki nabz

pahli aawaz ghussaili garajti

aur teri zaban chup

zamhariri sans us ki asr-e-yaKHbandan le aaegi geti par

mat kholiyo

mat kholiyo

dekhne ko mera sina hai dar-asl us ki kachhaar

jis ki Dhalwanon ke daldal lothaDe hain KHun ke

jis pe ug aain hain KHud-rau jhaDiyan kuchh sans ki

ghat mein aa jaega us pret ke

bagh ke sar sanp ke dhaD wala ye ifrit

khob dega dant gardan mein teri

dekhiyo mat kholiyo

mat kholiyo is wish bhare muzi ka munh

azhdar ka munh

ajgar ka munh

afi ka munh

is wish bhare muzi ka munh

ye ragen

dur tak phaili hui

barzaKH talak phaili hui jaD

gaD na jaen tujh mein bhi

ye surKH sanp us kina-war ki dum hain

kha sakti hain sab duniya ka sabz

dekhiyo ye bhut aadam-KHor hai

sans leta har manush kha jaega

mat kholiyo

mat kholiyo is wish bhare muzi ka munh

is KHabis aazarda ko marne de

is jhaDus iza-rasan ko marne de

is ke mar jaane mein insan ka bhala

is ke mar jaane mein yazdan ka bhala