os

raat meñ jab saaf hotā hai hamārā āsmāñ

tab zamīñ kī sat.h ho jaatī hai ThanDī jān-e-jāñ

jab havā chhūtī hai is ThanDī havā ko shauq se

tab havā ThanDak se ho jaatī namī labrez hai

jaise hī us meñ harārat kī kamī aa jaatī hai

bhaap vo paanī kī chhoTī buuñd meñ Dhal jaatī hai

chhoTī chhoTī buuñd kī shakloñ meñ aa kar ghaas par

motiyoñ kī shakl meñ phir vo utar kar ghaas par

āsmāñ kī os in pattoñ ko chamkāne lagī

dūsre lafzoñ meñ in ko os nahlāne chalī

is se un paudoñ ko phir se tāzgī mil jaatī hai

aur murjhā.e guloñ ko zindagī mil jaatī hai

ThanDī ThanDī os par tafrīh hotī hai mufīd

aur sehat kī kuchh na kuchh phir jaag jaatī hai umiid

is liye bedār ho jaao savere sub.h ko

os par rozāna hī dauḌo savere sub.h ko

raat mein jab saf hota hai hamara aasman

tab zamin ki sath ho jati hai ThanDi jaan-e-jaan

jab hawa chhuti hai is ThanDi hawa ko shauq se

tab hawa ThanDak se ho jati nami labrez hai

jaise hi us mein hararat ki kami aa jati hai

bhap wo pani ki chhoTi bund mein Dhal jati hai

chhoTi chhoTi bund ki shaklon mein aa kar ghas par

motiyon ki shakl mein phir wo utar kar ghas par

aasman ki os in patton ko chamkane lagi

dusre lafzon mein in ko os nahlane chali

is se un paudon ko phir se tazgi mil jati hai

aur murjhae gulon ko zindagi mil jati hai

ThanDi ThanDi os par tafrih hoti hai mufid

aur sehat ki kuchh na kuchh phir jag jati hai umid

is liye bedar ho jao sawere subh ko

os par rozana hi dauDo sawere subh ko