paltu jaanwar

ek chhoTe se qad kā hathauḌā liye

maiñ bhī ik pāltū jānvar kī tarah

workshop kī ḳhandaq meñ pheñkā gayā

mere ajdād ne in rivāyāt ko zinda rakhne kī ḳhātir

mire jism par

Tāyroñ aur saḌkoñ kī miTTī malī

Tiin kī chhat ke nīche badan pak gayā

jism-o-jāñ be-amāñ uljhanoñ meñ ghirā

ab mashīnoñ ke purzoñ meñ din raat yuuñ

mobil oil kī chiknāhaTeñ jazb kartā hai

jaise yahī

zindagī hai mirī

ek chhoTe se qad ka hathauDa liye

main bhi ek paltu jaanwar ki tarah

workshop ki KHandaq mein phenka gaya

mere ajdad ne in riwayat ko zinda rakhne ki KHatir

mere jism par

Tayron aur saDkon ki miTTi mali

Tin ki chhat ke niche badan pak gaya

jism-o-jaan be-aman uljhanon mein ghira

ab mashinon ke purzon mein din raat yun

mobil oil ki chiknahaTen jazb karta hai

jaise yahi

zindagi hai meri