pani pani

abr se ek din ye havā ne kahā

maiñ to peḌoñ se patte churā laa.ī huuñ

tund vahshī bagūle uḌā laa.ī huuñ

mujh meñ tāqat hai is se ye sābit huā

sāñvle ho salone ho chanchal ho tum

mast be-fikr āvāra bādal ho tum

kitne bechain ho kaise be-kal ho tum

aaj sūraj kī pagḌī uchhālo zarā

sun ke ye abr kī aql jaatī rahī

yuuñ hī is ko havā gudgudātī rahī

aur ḳhud man hī man muskurātī rahī

us ke aage kā dilchasp hai mājrā

abr kī aa.ī shāmat to sar ho ga.ī

būḌhe sūraj ko lekin ḳhabar ho ga.ī

vo paḌī maar sīdhī kamar ho ga.ī

paanī paanī vahīñ sharm se ho gayā

abr se ek din ye hawa ne kaha

main to peDon se patte chura lai hun

tund wahshi bagule uDa lai hun

mujh mein taqat hai is se ye sabit hua

sanwle ho salone ho chanchal ho tum

mast be-fikr aawara baadal ho tum

kitne bechain ho kaise be-kal ho tum

aaj suraj ki pagDi uchhaalo zara

sun ke ye abr ki aql jati rahi

yun hi is ko hawa gudgudati rahi

aur KHud man hi man muskuraati rahi

us ke aage ka dilchasp hai majra

abr ki aai shamat to sar ho gai

buDhe suraj ko lekin KHabar ho gai

wo paDi mar sidhi kamar ho gai

pani pani wahin sharm se ho gaya