pani

paanī ko isti.māl karo ehtiyāt se

aur is kī dekh-bhāl karo ehtiyāt se

paanī to ek ne.amat-e-parvardigār hai

paanī mile to baaġh hai rang-e-bahār hai

paanī se lāla-zār rah-e-ḳhār-dār hai

paanī kā har kisī ko yahāñ intizār hai

paanī ko isti.māl karo ehtiyāt se

aur is kī dekh-bhāl karo ehtiyāt se

paanī mile to rahtī hai khetoñ meñ zindagī

paanī se hai kisān kī āñkhoñ meñ raushnī

paanī se hī zamīn kī miTTī meñ hai namī

paanī se duur hotī hai har ik kī tishnagī

paanī ko isti.māl karo ehtiyāt se

aur is kī dekh-bhāl karo ehtiyāt se

paanī baḌī hī qīmtī daulat hai be-gumāñ

paanī se hai hamāre badan meñ lahū ravāñ

paanī se biij hotā hai zer-e-zamīñ javāñ

paanī agar mile to hai sahrā bhī gulsitāñ

paanī ko isti.māl karo ehtiyāt se

aur is kī dekh-bhāl karo ehtiyāt se

allāh kā karam hai jo paanī hameñ diyā

lāzim hai shukr us kā kare har koī adā

kab hotī zindagī jo vo paanī na bhejtā

hotā zamīn kā to nazāra hī kuchh judā

paanī ko isti.māl karo ehtiyāt se

aur is kī dekh-bhāl karo ehtiyāt se

har jān-dār karne lagā hai yahī savāl

paanī agar na hotā to kyā hotā apnā haal

gar ehtiyāt ham na kareñge to hai vabāl

ab aane vaalī nasloñ kā kuchh to karo ḳhayāl

paanī ko isti.māl karo ehtiyāt se

aur is kī dekh-bhāl karo ehtiyāt se

pani ko istimal karo ehtiyat se

aur is ki dekh-bhaal karo ehtiyat se

pani to ek neamat-e-parwardigar hai

pani mile to bagh hai rang-e-bahaar hai

pani se lala-zar rah-e-KHar-dar hai

pani ka har kisi ko yahan intizar hai

pani ko istimal karo ehtiyat se

aur is ki dekh-bhaal karo ehtiyat se

pani mile to rahti hai kheton mein zindagi

pani se hai kisan ki aankhon mein raushni

pani se hi zamin ki miTTi mein hai nami

pani se dur hoti hai har ek ki tishnagi

pani ko istimal karo ehtiyat se

aur is ki dekh-bhaal karo ehtiyat se

pani baDi hi qimti daulat hai be-guman

pani se hai hamare badan mein lahu rawan

pani se bij hota hai zer-e-zamin jawan

pani agar mile to hai sahra bhi gulsitan

pani ko istimal karo ehtiyat se

aur is ki dekh-bhaal karo ehtiyat se

allah ka karam hai jo pani hamein diya

lazim hai shukr us ka kare har koi ada

kab hoti zindagi jo wo pani na bhejta

hota zamin ka to nazara hi kuchh juda

pani ko istimal karo ehtiyat se

aur is ki dekh-bhaal karo ehtiyat se

har jaan-dar karne laga hai yahi sawal

pani agar na hota to kya hota apna haal

gar ehtiyat hum na karenge to hai wabaal

ab aane wali naslon ka kuchh to karo KHayal

pani ko istimal karo ehtiyat se

aur is ki dekh-bhaal karo ehtiyat se