pap-biti

pesh hai 'asrār' kī ta.alīm kā ab carēr

imtihāñ jab bhī diyā pistaul rakh kar desk par

kaisā paḌhnā kaisā likhnā ghar ho yā dār-ul-ulūm

bas maTargashtī kiyā kartā thā din bhar raat bhar

naql-mārī karte karte āḳhir m a ho gayā

aaj hai sher-o-adab meñ naam us kā mo'atabar

thā jo dhur-phañdī meñ māhir karke thoḌī joḌ-toḌ

ghuus de kar ek college meñ banā vo lecturer

dūsroñ ke notes paḌh kar dars bhī dene lagā

aur professor lagā likhne vo ḳhud ko be-ḳhatar

de ke moTī sī raqam thesis bhī hāsil kar hī lī

ban gayā likh loḌhā paḌh patthar adab kā doctor

vaqt ne kuchh push kiyā to ban gayā reader bhī vo

aur āḳhir meñ professor banā be-dard-e-sar

dekh lenā ek din ki chamcha-gīrī ke tufail

vo akaḌtā phir rahā hai ban ke vice-chancellor

pesh hai 'asrar' ki talim ka ab career

imtihan jab bhi diya pistaul rakh kar desk par

kaisa paDhna kaisa likhna ghar ho ya dar-ul-ulum

bas maTargashti kiya karta tha din bhar raat bhar

naql-mari karte karte aaKHir m a ho gaya

aaj hai sher-o-adab mein nam us ka mo'atabar

tha jo dhur-phandi mein mahir karke thoDi joD-toD

ghus de kar ek college mein bana wo lecturer

dusron ke notes paDh kar dars bhi dene laga

aur professor laga likhne wo KHud ko be-KHatar

de ke moTi si raqam thesis bhi hasil kar hi li

ban gaya likh loDha paDh patthar adab ka doctor

waqt ne kuchh push kiya to ban gaya reader bhi wo

aur aaKHir mein professor bana be-dard-e-sar

dekh lena ek din ki chamcha-giri ke tufail

wo akaDta phir raha hai ban ke wice-chancellor