pas-e-wafa

dil hai ranjūr yahāñ

hai ye dastūr yahāñ

rahrav aate haiñ yahāñ

lauTe jaate haiñ yahāñ

na koī pās-e-vafā

aur na ehsās-e-vafā

karte haiñ jaur-o-jafā

zulm hai in ko ravā

kuchh bharosa hī nahīñ

koī apnā hī nahīñ

ajnabī ban ke raheñ

har jafā dil pe saheñ

roz bedād na.ī

roz uftād na.ī

kyā kareñ haal bayāñ

bekasī kā hai samāñ

hāl-e-dil kuchh na kaheñ

roz bedād saheñ

har taraf āh-o-bukā

ik qayāmat hai bapā

tang hai terī zamīñ

koī kis jā ho makīñ

tū sahārā hai ḳhudā

bas bharosā hai tirā

haal hai un kā burā

sun yatīmoñ kī sadā

beva maaoñ kī qasam

saḳht jānoñ kī qasam

ye shahīdān-e-vafā

jin kā ghar-bār jalā

kabhī muḳhtār ye the

aaj majbūr hue

paa.e ab jā ke kahāñ

dil-e-'nāshād' amaañ

dil hai ranjur yahan

hai ye dastur yahan

rahraw aate hain yahan

lauTe jate hain yahan

na koi pas-e-wafa

aur na ehsas-e-wafa

karte hain jaur-o-jafa

zulm hai in ko rawa

kuchh bharosa hi nahin

koi apna hi nahin

ajnabi ban ke rahen

har jafa dil pe sahen

roz bedad nai

roz uftad nai

kya karen haal bayan

bekasi ka hai saman

haal-e-dil kuchh na kahen

roz bedad sahen

har taraf aah-o-buka

ek qayamat hai bapa

tang hai teri zamin

koi kis ja ho makin

tu sahaara hai KHuda

bas bharosa hai tera

haal hai un ka bura

sun yatimon ki sada

bewa maon ki qasam

saKHt jaanon ki qasam

ye shahidan-e-wafa

jin ka ghar-bar jala

kabhi muKHtar ye the

aaj majbur hue

pae ab ja ke kahan

dil-e-'nashad' aman