pas ke shahr mein fasad

paas ke shahr se curfew kī be-āvāz chaap

dhīre dhīre

mire shahr kī galiyoñ aur chaurāhoñ tak aa pahuñchī hai

raat kī tarah ḳhauf phailā hai

darvāze khiḌkiyāñ chup

kutte bhī chup

hirāsāñ duur duur tak saḌkoñ ko takte haiñ

phir rote haiñ

paas ke shahr meñ na.are ubharte haiñ

ek hī saath jaise Dher saare bakroñ kī gardanoñ pe

dhār-dār chāqū tairte haiñ

peḌoñ pe chāñdnī september kī sahmī hai

tanhā parinde ke hiirā jaise dil meñ bille kī lahū lahū aañkh Duub kar ubhartī

sannāTā zamīñ kā ākāsh se jā milā hai

ghoḌoñ kī aag ugātī Top paas ke shahr meñ aur

apne shahr meñ aa gayā betāl petrol-pumpoñ ke paas khaḌā hai

raat kī taraf ḳhauf phailā hai sāñkal hilātā hai

chāñdnī september kī peḌoñ pe rotī hai

bille kī lahū lahū aañkh aur parinda

bechāra

pas ke shahr se curfew ki be-awaz chap

dhire dhire

mere shahr ki galiyon aur chaurahon tak aa pahunchi hai

raat ki tarah KHauf phaila hai

darwaze khiDkiyan chup

kutte bhi chup

hirasan dur dur tak saDkon ko takte hain

phir rote hain

pas ke shahr mein nare ubharte hain

ek hi sath jaise Dher sare bakron ki gardanon pe

dhaar-dar chaqu tairte hain

peDon pe chandni september ki sahmi hai

tanha parinde ke hira jaise dil mein bille ki lahu lahu aankh Dub kar ubharti

sannaTa zamin ka aakash se ja mila hai

ghoDon ki aag ugati Top pas ke shahr mein aur

apne shahr mein aa gaya betal petrol-pumpon ke pas khaDa hai

raat ki taraf KHauf phaila hai sankal hilata hai

chandni september ki peDon pe roti hai

bille ki lahu lahu aankh aur parinda

bechaara