pachhtawa

ye kis dayār meñ le aa.ī zindagī mujh ko

jahāñ pe phuul se chehre babūl lagte haiñ

jahāñ pe saaya bhī lagtā hai dhuup kī mānind

nasīm chaltī hai ruk ruk ke aise siine meñ

ki jaise phāñs kisī yaad kī aTaktī ho

jahāñ pe abr bhī sūraj-misāl lagtā hai

jahāñ kiran kī zarb zaḳhm-e-dil khurachtī hai

khile jo phuul to pattī se choT lagtī hai

ye dahr vo hai jidhar bād-e-ḳhush-gavār-e-sahar

darīche khol ke yādoñ ke aah bhartī hai

har ek chehre pe āvezāñ aañkh hai lekin

kisī nazar meñ koī rang-e-āshnā.ī nahīñ

kisī kā lams bhī poroñ ke rāste dil meñ

diye jalātā nahīñ is qadar añdherā hai

ye kis dayar mein le aai zindagi mujh ko

jahan pe phul se chehre babul lagte hain

jahan pe saya bhi lagta hai dhup ki manind

nasim chalti hai ruk ruk ke aise sine mein

ki jaise phans kisi yaad ki aTakti ho

jahan pe abr bhi suraj-misal lagta hai

jahan kiran ki zarb zaKHm-e-dil khurachti hai

khile jo phul to patti se choT lagti hai

ye dahr wo hai jidhar baad-e-KHush-gawar-e-sahar

dariche khol ke yaadon ke aah bharti hai

har ek chehre pe aawezan aankh hai lekin

kisi nazar mein koi rang-e-ashnai nahin

kisi ka lams bhi poron ke raste dil mein

diye jalata nahin is qadar andhera hai