pahla jashn-e-azadi

ai hind ke bāshindo aao ujḌā gulzār sajā Dāleñ

ab daur-e-ġhulāmī ḳhatm huā ik taaza jahāñ kī binā Dāleñ

ab hind kī aslī iid huī jo āzādī kī diid huī

paḌh paḌh ke namāz-e-āzādī ab rūThe huoñ ko manā Dāleñ

kashtī bhī na.ī dariyā bhī nayā sāhil bhī nayā mallāh bhī na.e

ab kar ke bharosa himmat par tūfān meñ raah banā Dāleñ

haiñ ranj-o-ḳhusūmat ik roḌā rāh-e-āzādī meñ ab bhī

ham rañj purāne duur kareñ bichhḌoñ ko gale se lagā Dāleñ

jo mulk thā sone kī chiḌiyā bandhan ne use pāmāl kiyā

ġhurbat ko yahāñ se duur kareñ phir duudh kī nahreñ banā Dāleñ

phir bos se yodhdhā paidā hoñ jo hind kī qismat jaag uThe

ik baar zamāne par sikka phir mādar-e-hind biThā Dāleñ

is būḌhe himāla parbat se phir nuur kā chashma-e-ahl uThe

is mel-o-mohabbat ke jal se har bāshī ko nahlā Dāleñ

ye hind kī āzādī goyā kul mashriq kī āzādī hai

phir mashriq mashriq ban jaa.e jo zulm ke daur miTā Dāleñ

'anvar' kī duā hai ai maulā phir hind kī qismat jaag uThe

bichhḌe aapas meñ mil jaa.eñ ham rūThe hue ko manā Dāleñ

ai hind ke bashindo aao ujDa gulzar saja Dalen

ab daur-e-ghulami KHatm hua ek taza jahan ki bina Dalen

ab hind ki asli id hui jo aazadi ki did hui

paDh paDh ke namaz-e-azadi ab ruThe huon ko mana Dalen

kashti bhi nai dariya bhi naya sahil bhi naya mallah bhi nae

ab kar ke bharosa himmat par tufan mein rah bana Dalen

hain ranj-o-KHusumat ek roDa rah-e-azadi mein ab bhi

hum ranj purane dur karen bichhDon ko gale se laga Dalen

jo mulk tha sone ki chiDiya bandhan ne use pamal kiya

ghurbat ko yahan se dur karen phir dudh ki nahren bana Dalen

phir bos se yodhdha paida hon jo hind ki qismat jag uThe

ek bar zamane par sikka phir madar-e-hind biTha Dalen

is buDhe himala parbat se phir nur ka chashma-e-ahl uThe

is mel-o-mohabbat ke jal se har bashi ko nahla Dalen

ye hind ki aazadi goya kul mashriq ki aazadi hai

phir mashriq mashriq ban jae jo zulm ke daur miTa Dalen

'anwar' ki dua hai ai maula phir hind ki qismat jag uThe

bichhDe aapas mein mil jaen hum ruThe hue ko mana Dalen