pahla jashn-e-azadi

Asrarul Haq Majaz

pahla jashn-e-azadi

Asrarul Haq Majaz

MORE BY Asrarul Haq Majaz

    ba-sad ġhurūr ba-sad faḳhr-o-nāz-e-āzādī

    machal ke khul ga.ī zulf-e-darāz-e-āzādī

    mah-o-nujūm haiñ naġhma-tarāz-e-āzādī

    vatan ne chheḌā hai is tarah sāz-e-āzādī

    zamāna raqs meñ hai zindagī ġhazal-ḳhvāñ hai

    zamāna raqs meñ hai zindagī ġhazal-ḳhvāñ hai

    har ik jabīñ pe hai ik mauj-e-nūr-e-āzādī

    har ik aañkh meñ kaif-o-surūr-e-āzādī

    ġhulāmī ḳhāk-basar hai huzūr-e-āzādī

    har ek qasr hai ik bām-e-tūr-e-āzādī

    har ek baam pe ik parcham-e-zar-afshāñ hai

    har ek samt nigārān-e-yāsmīñ-paikar

    nikal paḌe haiñ dar-o-bām se mah-o-aḳhtar

    vo sail-e-nūr hai ḳhīra hai aadmī nazar

    ba-sad ġhurūr-o-adā ḳhanda-zan hai gardūñ par

    zamīn-e-hind ki jolā-nigah ġhazālāñ hai

    sadā do anjum-e-aflāk raqs farmā.eñ

    butān-e-kāfir-o-saffāk raqs farmā.eñ

    sharīk halqa-e-idrāk raqs farmā.eñ

    tarab vaqt hai bebāk raqs farmā.eñ

    ki ye bahār-e-payāmī-e-sad-bahārāñ hai

    ye inqalāb muzhda hai inqalāb nahīñ

    ye āftāb partav hai āftāb nahīñ

    vo jis tāb-o-tavānā.ī javāb nahīñ

    abhī vo sa.i-e-junūñ-ḳhez kāmyāb nahīñ

    ye intihā nahīñ āġhāz-e-kār-e-mardāñ hai

    ba-sad ghurur ba-sad faKHr-o-naz-e-azadi

    machal ke khul gai zulf-e-daraaz-e-azadi

    mah-o-nujum hain naghma-taraaz-e-azadi

    watan ne chheDa hai is tarah saz-e-azadi

    zamana raqs mein hai zindagi ghazal-KHwan hai

    zamana raqs mein hai zindagi ghazal-KHwan hai

    har ek jabin pe hai ek mauj-e-nur-e-azadi

    har ek aankh mein kaif-o-surur-e-azadi

    ghulami KHak-basar hai huzur-e-azadi

    har ek qasr hai ek baam-e-tur-e-azadi

    har ek baam pe ek parcham-e-zar-afshan hai

    har ek samt nigaran-e-yasmin-paikar

    nikal paDe hain dar-o-baam se mah-o-aKHtar

    wo sail-e-nur hai KHira hai aadmi ki nazar

    ba-sad ghurur-o-ada KHanda-zan hai gardun par

    zamin-e-hind ki jola-nigah ghazalan hai

    sada do anjum-e-aflak raqs farmaen

    butan-e-kafir-o-saffak raqs farmaen

    sharik halqa-e-idrak raqs farmaen

    tarab ka waqt hai bebak raqs farmaen

    ki ye bahaar-e-payami-e-sad-bahaaran hai

    ye inqalab ka muzhda hai inqalab nahin

    ye aaftab ka partaw hai aaftab nahin

    wo jis ki tab-o-tawanai ka jawab nahin

    abhi wo sai-e-junun-KHez kaamyab nahin

    ye intiha nahin aaghaz-e-kar-e-mardan hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY