pahli kiran

Noon Meem Rashid

pahli kiran

Noon Meem Rashid

MORE BYNoon Meem Rashid

    koī mujh ko daur-e-zamān-o-makāñ se nikalne sūrat batā do

    koī ye sujhā do ki hāsil hai kyā hastī-e-rā.egāñ se

    ki ġhairoñ tahzīb ustuvārī ḳhātir

    abas ban rahā hai hamārā lahū momyā.ī

    maiñ us qaum fard huuñ jis ke hisse meñ mehnat mehnat hai nān-e-shabīna nahīñ hai

    aur is par bhī ye qaum dil shaad hai shaukat-e-bāstāñ se

    aur ab bhī hai ummīd-e-fardā kisī sāhir-e-be-nishāñ se

    mirī jaañ shab-o-roz is mashaqqat se tañg aa gayā huuñ

    maiñ is ḳhisht-kobī se uktā gayā huuñ

    kahāñ haiñ vo duniyā taz.īn ārzūeñ

    jinhoñ ne tujhe mujh se vābasta-tar kar diyā thā

    tirī chhātiyoñ jū-e-shīr kyuuñ zahr ik samundar na ban jaa.e

    jise ke so jaa.e nannhī jaañ

    jo ik chhipkilī ban ke chimTī huī hai tere sīna-e-meharbāñ se

    jo vāqif nahīñ tere dard-e-nihāñ se

    ise bhī to zillat pābandagī ke liye āla-e-kār banñā paḌegā

    bahut hai ki ham apne aabā āsūda-koshī pādāsh meñ

    aaj be-dast-o-pā haiñ

    is ā.inda nasloñ zanjīr-e-pā ko to ham toḌ Dāleñ

    magar ai mirī tiira rātoñ sāthī

    ye shahnā.iyāñ sun rahī ho

    ye shāyad kisī ne masarrat pahlī kiran dekh paa.ī

    nahīñ is darīche ke bāhar to jhāñko

    ḳhudā janāza liye rahe haiñ farishte

    usī sāhir-e-be-nishāñ

    jo maġhrib aaqā thā mashriq aaqā nahīñ thā

    ye insān bartarī ke na.e daur ke shādyāne haiñ sun lo

    yahī hai na.e daur partav-e-avvalīñ bhī

    uTho aur ham bhī zamāne taaza vilādat ke is jashn meñ

    mil ke dhūmeñ machā.eñ

    shuāoñ ke tūfān meñ be-mahābā nahā.eñ

    koi mujh ko daur-e-zaman-o-makan se nikalne ki surat bata do

    koi ye sujha do ki hasil hai kya hasti-e-raegan se

    ki ghairon ki tahzib ki ustuwari ki KHatir

    abas ban raha hai hamara lahu momyai

    main us qaum ka fard hun jis ke hisse mein mehnat hi mehnat hai nan-e-shabina nahin hai

    aur is par bhi ye qaum dil shad hai shaukat-e-bastan se

    aur ab bhi hai ummid-e-farda kisi sahir-e-be-nishan se

    meri jaan shab-o-roz ki is mashaqqat se tang aa gaya hun

    main is KHisht-kobi se ukta gaya hun

    kahan hain wo duniya ki tazin ki aarzuen

    jinhon ne tujhe mujh se wabasta-tar kar diya tha

    teri chhatiyon ki ju-e-shir kyun zahr ka ek samundar na ban jae

    jise pi ke so jae nannhi si jaan

    jo ek chhipkili ban ke chimTi hui hai tere sina-e-meharban se

    jo waqif nahin tere dard-e-nihan se

    ise bhi to zillat ki pabandagi ke liye aala-e-kar banna paDega

    bahut hai ki hum apne aaba ki aasuda-koshi ki padash mein

    aaj be-dast-o-pa hain

    is aainda naslon ki zanjir-e-pa ko to hum toD Dalen

    magar ai meri tera raaton ki sathi

    ye shahnaiyan sun rahi ho

    ye shayad kisi ne masarrat ki pahli kiran dekh pai

    nahin is dariche ke bahar to jhanko

    KHuda ka janaza liye ja rahe hain farishte

    usi sahir-e-be-nishan ka

    jo maghrib ka aaqa tha mashriq ka aaqa nahin tha

    ye insan ki bartari ke nae daur ke shadyane hain sun lo

    yahi hai nae daur ka partaw-e-awwalin bhi

    uTho aur hum bhi zamane ki taza wiladat ke is jashn mein

    mil ke dhumen machaen

    shuaon ke tufan mein be-mahaba nahaen

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY